Segundo o BNG, o Goberno local, PSOE-IU, fixo caso omiso á denuncia formulada polo BNG sobre o estado dos inmobles

De: Xosé Manuel Pazo Blanco -manolopazo@gmail.com-
BNG FERROLTERRA -ferrol@bng-galiza.org-
Para: artabra21@gmail.com
Data: 14 de abril de 2008 17:27
Asunto: "O BNG esixe ao Goberno Local que asuma as súas responsabilidades pola caida do edificio da rúa Magdalena

O BNG esixe ao Goberno Local que asuma as súas responsabilidades pola caida do edificio da rúa Magdalena
O Goberno local, PSOE-IU, fixo caso omiso á denuncia formulada polo BNG sobre o estado dos inmobles

O grupo municipal do BNG pediu esta mañá que o goberno local asuma a súa responsabilidade no derrumbamento do edificio da rúa Magdalena pola pasividade amosada e a negativa a atender as denuncias sobre o estado do edificio e o perigo que supuña para a seguridade cidadá.

O portavoz do grupo municipal do BNG, Xoán Xosé Pita, lamentou que tivera que suceder este accidente para que o Goberno Municipal tome en serio a situación dos edificios abandonados na cidade e se decida a actuar sobre os mesmos.

O BNG considera que o goberno local non pode descargar toda a responsabilidade no azar e na metereoloxia, xa que se demostra que non actuou dilixentemente diante das denuncias presentadas.

O portavoz nacionalista, Xoán Xosé Pita, solicitou que o Servizo de Inspección e Disciplina Urbanística comprobara o estado da edificación situada na Rúa Real 87 polo risco que supuña para a vía pública. Esta denuncia foi formulada na Comisión Informativa de Urbanismo celebrada o pasado día 18 de marzo.

Ferrol a 14 de abril de 2008

Grupo Municipal do BNG no Concello de Ferrol

Xosé Manuel Pazo Blanco

Adxuntamos copia da acta da Comisión Informativa
Acta Urbanismo 18 03 2008.pdf- 1291K
[Ao estar en Formato PDF, non a podemos reproduzir no Blog, polo que a quen lle interese pode pedi-la a ferrol@bng-galiza.org]