Fundaçom Artábria: Começamos o mês das letras com um extenso calendario de actividades

De: Fundaçom Artábria -artabria@artabria.net-
Para: artabra21@gmail.com
Data: 9 de maio de 2008 00:57
Asunto: Começamos o mês das letras com um extenso calendario de actividades


Começamos o mês das letras com um extenso calendario de actividades

Após a comemoraçom, no passado 1º de Maio, Dia do Internacionalismo Proletário, com um concerto organizado pola organizaçom juvenil BRIGA que lotou o nosso Centro Social as actividades continuam neste mês de Maio.

No próximo sábado, dia 10, a Fundaçom Artábria leva a tradiçom dos Maios à rua. A participaçom é livre e será desde as 12h00, na praça do Hino Galego (Esteiro).

Já no dia 17, embora o calendário de actividades esteja por fechar, podemos adiantar que às 11h00 haverá umha mesa na praça do Concelho, para recolher assinaturas em favor de um Dia das Letras para o profesor Carvalho Calero.

Às 12h30, e como vem sendo habitual na última década, celebraremos, junto a outras entidades, o Dia das Letras na praça de Rosalia de Castro, em Sam Joám de Filgueira, com umha oferta floral e várias intervençons.

Já no meio-dia, haverá um jantar popular no nosso Centro Social.

No Domingo, 18 de Maio, lembramos que decorrerá a Assembleia Geral Ordinária de sócias e sócios, para tratar, entre outros temas, a preparaçom do VIII Festival da Terra e da Lengua.

Já no 23 de Maio, contaremos com o monólogo de Sebas Méndez "Angel Cristo, Joselito e Maradona som a mesma pessoa". Será polas 22h00 e a entrada de graça.

No sábado 24, contaremos na Fundaçom Artábria com Invivo, novo projecto do cantor do mítico grupo galego Túzaros. O concerto começará polas 22h30 e o preço do bilhete é de 3 euros para público em geral e 2,5 para @s sóci@s da Fundaçom.

Dentro da campanha de socializaçom da figura de Carvalho Calero, nos dias 27, 28 e 29 de Maio organizamos, com a colaboraçom da Cámara Municipal de Ferrol umhas Jornadas sob o título de Ricardo Carvalho Calero no século XX galego, na qual participarám Bernardo Máiz Vázquez, José-Martinho Montero Santalha, Maurício Castro, Xosé María Dobarro Paz, Henrique da Costa López, Carmen Blanco e Araceli Herrero Figueroa.

Continuarám os concertos à semana seguinte com estilos variados. Na sexta-feira, actuará o grupo trasanquês de Reagge Instrumental Dub-utem às 22h30. No sábado estarám no nosso Local Social o grupo folc de Compostela Ophiusa. Ambos concertos terám um bilhete de 3 euros e 2,5 euros para sóci@s.
--
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Código de Identificaçom Fiscal (CIF): G15645518.
Morada: Travessa de Batalhons nº7 Esteiro
15403 Ferrol - GALIZA
Telefone do Centro Social: +34 981369099
Fax do Centro Social: +34 981369920
Telefone do café-bar: +34 981369921
Sítio webda Fundaçom Artábria
http://www.artabria.net
Sítio web do festival da Terra e da Língua
http://www.artabria.net/festival
____________