A Asemblea Xeral de Ártabra 21, acordou acudir ao Pleno, para apoiar coa nosa presencia a nosa demanda de proteción integral para a Fraga de Menáncaro

[Documentario Editado por SGHN e ADEGA, Novembro 2005 Feito por Yosy (c)]

PLENO MUNICIPAL O 27 DE NOVEMBRO
O vindeiro xoves, día 27 de Novembro de 2008, vai ter lugar un maratoniano pleno municipal do Concello de Ferrol, cargado de pontos na orde do día e un sinfín de mocións. Mais o que nos trae ao caso é que no ponto 16 da orde do día, pode que se resolva unha fase máis na proteción da Fraga de Menáncaro, ao ser incluida na proposta do "Grande Anel Verde", segundo o concelleiro de urbanismo, Ángel Mato, que levará ao pleno a prosta de suspensión de concesión de licenzas de obras, parcelamento, demolición e edificación na zona da contorna proposta para recalificar, así como o acordo de solicitar un estudo para a delimitación dun espazo protexido e a conseguinte modificación do PXOM [Plano Xeral de Ordenación Municipal], para recalificar a zona delimitada como zona verde de especial proteción.

A ACTITUDE OPORTUNISTA DO GRUPO VOZ
Merece una mención aparte a nova actitude oportunista do "Grupo Voz" que sen nengún tipo de autocrítica, do papel xogado neste asunto, nas noticias publicadas nestes días sobre o tema limitan-se [por fin] a informar do asunto, até reproduce informes da Dirección Xeral da Conservación da Natureza, destacando as excelencias do paraxe natural, logo da actitude carroñeira, de desvirtuar durante máis de dous anos, as demandas veciñais e ecoloxistas de proteción do espazo natural de Menáncaro, posicionando-se sempre do lado dos especuladores, até desinformando repetidas veces sobre o proxecto, situando a proxectada urbanización de chales e hotel, nas "inmediacións ou ao lado da Fraga de Menáncaro" cando esta estaba proxectado facé-la no mesmo corazón da carballeira [Mais seguro que isto non acaba aquí].

A IMPORTANCIA DA LOITA VECIÑAL E ECOLOXISTA
A loita veciñal e ecoloxista, levada pola propia Comunidade Menáncaro e as organizacións ecoloxistas, ADEGA, VERDEGAIA e SGHN, foi intensa que data de cando se elaborou o actual PXOM, ao que se presentaron alegacións para a súa proteción o 16/11/1999, por parte de Antón Fortuna, daquela membro de ADEGA, hoxe de VERDEGAIA. Posteriores agresións foron denunciadas e combatidas polas organizacións ecoloxistas, mais desde o verán de 2005 cando a ameaza da proxectada construción da urbanización con luxo e hotel e 79 chalés, a loita pola proteción da Fraga adquireiu maior relevancia, mesmo en internet, a busca da palabra "Menáncaro" non daba nengún resultado, hoxe en calquer buscador dá "5.880" resultados e pola palabra "Menáncara" daba "4" resultados e hoxe son "469". Isto dá unha ideia do importante da loita veciñal e ecoloxista.

APOIO DE ÁRTABRA 21
Na última Asemblea Xeral de Ártabra 21, acordou-se acudir ao Pleno, para apoiar coa nosa presencia a nosa demanda de proteción integral para a Fraga de Menáncaro.
________________

Blogs da Comunidade Menáncaro:
http://menancaro.blogspot.com/
http://fragademenancaro.blogspot.com/
http://menancaroexpress.blogspot.com/

Correio-e da Comunidade Menáncaro:
menancaro@gmail.com
____________________