adega@adega.info17 de abril de 2009 16:51
→19 de abril, domingo: Roteiro pola Serra da Enciña da Lastra
ADEGA LUGO convídate a visitar o Parque Natural da Serra da Enciña da Lastra (Ourense), unha xoia ao noso alcance. Con máis de 3.000 Ha, este reduto calcario é paraíso das aves de rapina e das orquídeas silvestres (cunhas 27 especies). Tamén é moi importante a diversidade de réptiles e a presenza do cada vez máis escaso gato bravo, alén dunha variedade de morcegos. A ruta comeza na aula de Natureza de Biobra, onde os seus educadores ambientais falarannos das singularidades e historia do espazo protexido. Faremos dúas paradas para coñecer a experiencia dalgúns veciños/as na viticultura ecolóxica e a xeotermia.
O roteiro percorrerá uns 15 quilómetros e a dificultade do traxecto é media-baixa.
- Domingo, 19 de abril
- Normal.: 15 €
- Estudantes, xubilad@s e no paro.: 12 €
- Socios/as.:10€
- Até 17 anos.: 5 €
- Imprescindible anotarse chamando ao 679113718 (Mari Luz), ou 982240299 (local de ADEGA Lugo)
- Levar roupa e calzado axeitados e comida para o camiño. O bo humor é cousa de todos/as.
- 24 de maio: Serra do Xurés
- 20 e 21 de xuño: Monte Invernadoiro
→18 de abril: Curso de formación de coordenadores/as e campaña de primavera do Proxecto Ríos
O 15 de Abril de 2008 comezou a campaña de primavera do Proxecto Ríos que se estenderá até o 31 de maio. Todos os grupos participantes deberán saír aos seus treitos de río para facer as inspeccións e enviar os datos obtidos ao Proxecto Ríos coa finalidade de elaborar o informe anual do estado de saúde dos ríos galegos. Ao longo deste mes, os participantes recibirán por correo postal os reactivos químicos necesarios para medir o pH e os nitratos da auga. Así mesmo o 18 de Abril desenvolverase o correspondente Curso de Formación de Coordenadores do Proxecto Ríos na Estación de Hidrobioloxía do Encoro do Con en Vilagarcia de Arousa. Como en edicións anteriores afondaremos na identificación dos macroinvertebrados e adicaremos a temática central do curso a falar do Indice de calidade do bosque de ribeira. Na páxina web podes consultar tanto a programación como a forma de inscrición.
→25 de abril: ROTEIRRÍOS 2009. O conxunto etnográfico do Arnoia
Na vila de Allariz coñeceremos os elementos que integran o Parque Etnográfico do Arnoia: Muíño do Burato, Museo do Tecido e Museo do Coiro, exemplo de conservación e posta en valor do patrimonio fluvial. Tamén nos achegaremos ao río Arnoia ao seu paso polo Ecoespazo do Rexo, onde visitaremos unha queixería tradicional.
Na vindeira semana colgarase na web do Proxecto Ríos, o programa definitivo, onde poderedes consultar o percorrido, pontos de encontro, etc.
Estade atententas e atentos.
Máis información: Local nacional (981 570099) ou na nosa web:
www.adega.info
___________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon