O Fondo Monetatio Internacional empeza a marcar o camiño

Por Juan Torres López
23.04.2009

No recente cume do G-20 botaron as campás ao voo polo compromiso de dedicar un billón de dólares para combater a crise. Xa sinalei que se trata dun brinde ao sol porque a magnitude da desfeita causada polos bancos internacionais é dun valor moitísimo maior. Fai un par de días publicouse o informe sobre estabilidade financeira do Fondo Monetario Internacional que dá uns cantos datos ben expresivos da situación mundial, do que faría falta para facerlle fronte e da insuficiencia das medidas que se están tomando. Aí van algúns:

• As perdas contables por tenencia dos chamados produtos tóxicos serían de 4 billóns de dólares en todo o mundo, e de 2,7 en Estados Unidos.
• As necesidades de financiamento nos mercados emerxentes para 2009 serían de 1,8 billóns de dólares.
• Para volver á situación bancaria dos anos noventa sería necesaria inxeccións de capital por valor de 500.000 millóns de dólares en Estados Unidos, de 725.000 millóns na zona do euro, de 250.000 millóns no Reino Unido e de 225.000 millóns nas demais economías maduras de Europa
• Polo demais, o informe é moi interesante para saber por onde van ir os tiros. Entre cousas fanse propostas e demándanse solucións como as seguintes.
• Divulgación completa e transparente do dano sufrido polos balances bancarios, comprobada polos supervisores en base a criterios coherentes.
• Deben imporse condicións estritas para a inxección de capital público.- A reestruturación quizá requira un traspaso provisional da propiedade ao Estado.
  

E unha perla final para saber por onde van ir as cousas: "Dado que nin a disciplina do mercado nin a supervisión pública bastaron para avaliar e conter debidamente a acumulación de riscos sistémicos, a mellora da regulación e a supervisión financeira son elementos crave para a prevención de crise. A énfase debe estar no xeito de detectar e mitigar os riscos sistémicos mediante unha regulación mellor".

É dicir, o que se propón é ir reformando pouco ás relacións financeiras internacionais. Tratarán de facelo lentamente pero o risco que teñen entre mans é que a operación sáltelles polo aire no camiño porque en realidade trátase de manter tal cal o sistema de base que é intrinsecamente inestable.

Un resumo do informe pódese ver aquí en formato -pdf- 13 páxinas:

Informe sobre a Estabilidade Financeira Mundial - Abril 2009 - Resumo Xeral
_________________