Defender @s inmigrantes non é delito: Solidariedade coa activista na defensa dos dereitos civís Laura Bugallo

O martes 26 de maio a Policia Nacional, por orde da Subdelegación do Goberno, procedía á detención da compañeira Laura Bugallo, traballadora da CIG-Migración en Compostela, incansábel loitadora na defensa dos dereitos das persoas inmigrantes, asi como coñecida pola súa actividade no feminismo e no movemento LGBT, nomeadamente desde o seu labor en Transgaliza polo recoñecemento dos dereitos e da visibilización das transexuais. Laura é mebra integrante da Mesa Nacional do Movemento pola Base.

Detiveron a Laura Bugallo, por un suposto delicto de "falsidade documental", que consistiría na axuda e tramitación desinteresada dos papeis a persoas inmigrantes. Asi, rexistraron tanto a súa oficina de traballo, levándose computadores e documentación, como a súa casa, onde tamén fixeron o mesmo.

Esta detención supón un ataque á rede de persoas e colectivos que como a nosa compañeira Laura Bugallo defenden e apoian en todo momento ás persoas inmigrantes. Reclamamos a súa inmediata posta en liberdade, e demandamos que remate esta persecución política contra quen loita polos dereitos dos e das inmigrantes.

Porque "Defender os inmigrantes non é delito!", onte mércores 27 de maio, tivo lugar unha ación de protesta, para reclamar a liberdade de Laura Bugallo, detida o pasado martes 26 de Maio pola Policia Nacional, nunha clara campaña de ataque e acoso á rede de apoio das persoas inmigrantes na Galiza.



150 amigos e amigas, compañeiros e compañeiras, da sindicalista e activista social Laura Bugallo, detida pola policía española na mañá de onte, concentráronse á tardiña de hoxe (desde as 20:30 até as 21:30 horas) fronte á comisaría de Compostela para esixir a súa posta en liberdade inmediata.

Laura Bugallo foi detida por defender os dereitos de traballadores inmigrantes ao tentar regularizar a súa situación no noso país. Laura permanecerá de novo esta noite nos calabouzos da devandita comisaría. Mañá será posta a disposición xudicial.

Os seus amigos e amigas, así como compañeiros e compañeiras, concentraremonos mañá, xoves 28 de maio, a partir das 11:00 horas, diante dos xulgados composteláns de Fontiñas.

Fonte: Movimento pola Base, e GZVideos
__________