O vindeiro mércores 17, caravanas de tractores circularán cara 7 vilas e cidades da Galiza en reivindicación dun prezo mínimo para o leite, garantía de recollida e modificación das actuais políticas agrarias
Mediante roldas comarcais que tiveron lugar no mediodía de hoxe e se sucederán mañá, o Sindicato Labrego Galego quere transmitir coa maior precisión posíbel os puntos polos que o sector circulará en caravanas de tractores o vindeiro mércores 17 para esixir a fixación dun prezo mínimo para o leite que cubra os custos de produción e traballo das explotacións, reivindicando unha fonda modificación das actuais políticas agrarias neoliberais, causantes da actual situación de crise do sector.
Numerosas son as mostras de apoio que nos achega cada día a sociedade civil da Galiza, moito máis consciente da problemática e da necesidade de solucionala que os propios gobernos.
Nestes meses vimos recibindo multitude de consultas acerca de “que leite mercar” ou “que leite é galego”, así coma valoracións da importancia que o rural ten para a Galiza, non só polo País que somos, fundamentalmente agro e mar, senón pola directa vinculación que o noso traballo ten coa saúde e calidade de vida da cidadanía, á cal desexamos aportar os alimentos de máxima calidade producidos polas labregas e labregos galeg@s.
O vindeiro mércores desexamos que as molestias para a cidadanía sexan as mínimas, xa que o obxectivo do sector é presionar aos gobernos, onde reside arestora a capacidade para levar adiante a modificación da actual política agraria en materia de prezos e control da produción leiteira.
Por último, lembrar que a tractorada terá lugar en movemento, dando lugar a 7 caravanas de tractores que circularán cara as vilas e cidades de Santiago de Compostela, A Coruña, Ferrol, Vimianzo, Chantada, Lugo, Ribadeo.
Mapa cos puntos por onde circularán as caravanas de tractores.
[Clicar acima da imaxe para ampliar]Tractorada Ferrol:
Ás 11:00 hrs e dende Moeche e A Capela, pasando por San Sadurniño, A Mourela, Xubia, Estrada de Castilla, Praza do Concello deFerrol, Cruce de S. Xoan até o Polígono da Gándara (FERROL)
Mapiña: http://maps.google.es/maps/ms
Moitas grazas pela vosa atención.Saúdas do Gabinete de Comunicación do Sindicato Labrego Galego
OBTERÁN MÁIS INFORMACIÓN CONTACTANDO CON
Carme Freire Cruces, Secretaria Xeral do SLG,
TLF: 619 348 426
Lupe Prado, responsábel do Sector Leiteiro,
TLF: 685 805 783
______________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon