Que pasa en Honduras?

O presidente da República, Manuel Zelaya Rosales, mellor coñecido como "Mel", decidiu no mes de febreiro de 2009 convocar a unha Enquisa Nacional de Opinión, para que o pobo opine sobre se se debe instalar ou non, na elección do próximo mes de novembro, unha "cuarta urna" (cuarta porque se instalan tres, presidencial, deputados e alcaldías) para decidir se se abre ou non un proceso para establecer unha Asemblea Nacional Constituínte. É dicir, unha simple consulta para determinar sobre se se instala outra consulta, ningunha das dúas determinaría a estrutura nin a composición da pretendida Asemblea Constituínte.

O anterior, foi suficiente para que a dereita deste país declárese en ofensiva aberta contra o goberno de Mel Zelaya, porque se asume que se chegase a gañar o si na consulta, din, a pretensión sería que o presidente quede na presidencia en forma ilegal. De aí parten para lanzar unha ofensiva contra o pobo hondureño que se manifestou a favor da consulta.

Os medios de comunicación da man dos seus donos, os propietarios da maior cantidade de recursos económicos do país, acompañados das igrexas de todos os signos, o Congreso da República, o Poder Xudicial, o Fiscal nacional todos xuntos pediron que se encarcere ao presidente, que se lle remova do cargo, que se designe a outro, que o exército tome o control.

A campaña virou cara ao terror, agora ameazando con encarcerar a toda persoa que faga propaganda á consulta, que a publique en medios, que a promova, que porte camisetas a favor, que vote, que preste a súa casa para a consulta ... e a popularidade do presidente, segundo as enquisas, é de máis do 85% e o nivel de aprobación da poboación á consulta é similar,

A crise política inducida polos poderes fácticos -os poderes de feito, os que realmente mandan aquí sen que ninguén os elixiu-, chegou ao momento que o xefe do estado maior do exército desobedeceu abertamente unha orde directa do presidente -avalar e protexer a consulta e distribuír as urnas ás comunidades-, ante tal desacato, o presidente decidiu destituír ao xefe do Estado Maior do exército e aceptar a renuncia do titular do ministerio de defensa.

Ante isto, o exército descoñeceu -polo menos unha fracción- esta resolución, e foi acompañada pola Corte de Xustiza que "ordenou" a restitución do militar insurrecto. Os medios de comunicación clamaron pola reinstalación, e agudizaron a campaña do terror, o cal foi acompañado pola saída dos militares dos cuarteis.

Isto é, nos feitos, un golpe de estado técnico, pois a Corte quitoulle facultades ao presidente e agora os militares poden negarse a obedecer e serán avalados pola "xustiza" ...

Isto xerou dúas cousas, a primeira é que, ao verse só -sen o Congreso, sen o poder xudicial, sen o fiscal xeral, e sen respaldo do seu propio partido-, o presidente convocou ao pobo para apoiarse nel para enfrontar á sedición golpista.

Hoxe, 25 de Xuño de 2009, o pobo hondureño saíu á rúa a defender o proceso da enquisa nacional de opinión, a defender o seu dereito a ser consultado; acompañou ao presidente, nun feito insólito, saíron de casa presidencial en buses (autobuses urbanos de pasaxeiros) á base da forza aérea no Aeroporto Internacional de Tocontín, e entraron a esa instalación miliar para, de man en man, subir a cinco camións todas as urnas da Enquisa, en prevención de que a Corte fixese efectivo un resolutivo de hoxe, no que ordenou ao exército requisar ese material.

Cheos de lodo, no medio dun torrencial chuvieiro, o pobo hondureño sacou as urnas dos cuarteis e levounas á casa presidencial, onde agora mesmo fai unha vixilia nacional para protexer ao presidente da república.

26/06/2009

Fonte: copinh.org
_______________

Honduras: O Presidente Manuel Zelaya e Movimentos Sociais Recuperan Material Electoral que secuestrara o Exército

__________________