Máis unha vez, un gaseiro cargado con GNL-LNG para a ilegal e perigosa Reganosa, entrou na nosa Ría poñendo en perigo á toda a poboación que moramos na súa contorna

As significativas fotos feitas por Suso Pazos [Susete], revelan o perigoso das manobras que o buque realiza diante do peirao e a proximidade dos núcleos de poboación á planta regasificadora de Mugardos.


[Clicar acima da foto para entrar no carrusel de diapositivos]

Non chega co perigo que xa de por si, representa a instalación de Reganosa no corazón da Ría de Ferrol, senón que cada vez que un buque metaneiro cargado co perigoso gas, o perigo aumenta exponencialmente. Desta vez foi un vello buque de máis de 34 anos de antigüidade [construído en 1976], o “LNG Port Harcourt”, con bandeira convencional d'as Illas Bermudas, de 274.20 m de eslora e 42 m de manga, o que entrou na Ría coa marea alta diúrna do pasado Sábado 13 de Marzo. Fixo o nº 62 desde que entrou o primeiro en maio de 2007, e o 3 deste ano 2010.

Como se fai de xeito habitual, o Comité Cidadán de Emerxencia para a Ría de Ferrol, realizou unha concentración de denuncia e protesta, diante do Edificio Administrativo da Xunta de Galicia na Praza Amada García de Ferrol, ás 7 da Tarde do mesmo día no que o buque arribou ao peirao de Punta Promontorio.

Álbum de diapositivos:
http://picasaweb.google.es/reganosa.ferrol/LNGPortHarcourt#slideshow/5448227620907834674

Galería fotográfica:
http://picasaweb.google.es/reganosa.ferrol/LNGPortHarcourt#

* POLA DEFENSA DA VIDA, A NOSA SEGURIDADE E A RÍA !!
* CESE DA ACTIVIDADE E DESMANTELAMENTO DE REGANOSA !!
* PLANTA DE GAS FORA DA RÍA !!

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Fonte das Fotos: http://picasaweb.google.es/reganosa.ferrol
______________________