Obxección Fiscal aos Gastos Militares

Que é a Obxección Fiscal?

A Obxección Fiscal (OF) é un acto de Desobediencia Civil que consiste en, á hora de facer a Declaración da Renda, non pagar ao Estado os cartos que este dedica á guerra e á sua preparación. A OF non supón evadir impostos, senón desviar cara proxectos sociais a cantidade que sería destinada a fins militares.

Aínda que non teñamos a obriga de pagar o IRPF, tod@s pagamos impostos cos que, queramos ou non, se financia o militarismo. Do mesmo modo, a Obxección Fiscal a podemos facer tod@s. E, se non queremos recorrer á OF, aínda podemos reclamar do goberno que o direito a non colaborar cos gastos militares sexa recoñecido e respeitado.

Por que obxectar ?

Consideramos que o mellor xeito de resolución dos conflictos entre os pobos é o diálogo, a cooperación e a solidariedade.

Cremos que o principal camiño para conquerir un mundo en paz é favorecer a xustiza. E non estamos de acordo co destino militarista nen coa forma en que son utilizados os nosos impostos (directos e indirectos)

Que propoñemos ?


Ao Estado: a progresiva diminución do gasto militar até a súa eliminación e, por conseguinte, a desaparición dos exércitos.

A todas as persoas e movementos sociais: a desobediencia civil, por medio da O.F., frente á imposición de colaborar co militarismo.


Que é Espazo Aberto Antimilitar ?

O Espazo Aberto Antimilitar é un grupo vigués formado por colectivos e persoas que traballan pola construción dunha sociedade en paz e desmilitarizada. Nos últimos anos a maior parte dos nosos esforzos estiveron centrados na campaña de Obxección Fiscal ao Gasto Militar.

Contacto:


info(arroba)nonaogastomilitar.org

Fonte: http://nonaogastomilitar.org
_____________________________________