Documental sobre Golpe Estado en Honduras
Honduras: un ano de golpe, un ano de resistencia popular
Solidariedade coa Resistencia Hondureña
“Quen dixo medo. Honduras dun golpe”
Documentario de Katia Lara. Ano 2010. Honduras – Argentina- 110 min.
En Ferrol organiza: A.C. Fuco Buxán – Presenta : Nuria Fdez. Brage (directiva)
A punto de cumprirse un ano do secuestro á institucionalidade democrática e a vontade popular en Honduras, diferentes organizacións sociais galegas poñen en marcha unha.
Semana de Solidariedade coa Resistencia Hondureña.
O obxectivo principal é recordar que a represión e persecución de persoas vinculadas a movementos sociais e que a vulneración de dereitos humanos e civís en Honduras seguen vixentes a día de hoxe, (8 xornalistas asasinados e máis de 700 violacións de dereitos humanos) pese ao aparente verniz democrático que luce o actual goberno de Porfírio Lobo.
Para chamar a atención sobre esa situación de socavamento de dereitos, máis tamén sobre o proceso de mobilización popular fronte ao golpe e aos seus herdeiros políticos, e da súa loita camiño á convocatoria dunha Asemblea Nacional Constituínte que sirva de marco ao proceso de refundación nacional, os colectivos ACSUR- Las Segovias, AMARANTE Setem, CEDEC, Cosal, Coordinadora de Crentes Galegos, Fuco Buxán Asociación Cultural e Whipala organizan diferentes actividades de apoio e solidariedade coa poboación hondureña en resistencia.
Asemade ás proxeccións, os colectivos convocantes teñen previsto enviar unha carta conxunta ao Parlamento galego esixindo o non recoñecemento do goberno de Porfírio Lobo e o restablecemento das relacións de cooperación de forma subordinada á depuración das institucións públicas hondureñas. Entre as demandas tamén está a ratificación do Frente Nacional de Resistencia Popular -que agrupa a diferentes movementos sociais hondureños- como un interlocutor indispensable para o pleno restablecemento da democracia e a reconstrucción institucional do país.
Sobre o documental:
“QUIEN DIJO MIEDO” segue ao pobo hondureño en resistencia da man de René, quen se integra no Frente Nacional de Resistencia contra o Golpe de Estado dende o primeiro momento. Así coñeceremos este tramo da historia de un pobo que finalmente esperta e se resiste a continuar sendo o laboratorio de ensaio dos Estados Unidos en contra dos procesos de cambio na América Latina.
Máis información:
Ferrol: Nuria Fernández (Fuco Buxán) 617 295 209
Compostela: Mari Fidalgo (AMARANTE Setem) 881 978 705/ 687 368 314
Coruña: Marta Casal (ACSUR) 655 576 385 ou Alfonso (Coordinadora de Crentes)
--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
Enviado por.
Fuco Buxán Asoc. Cultural - Ferrol
-fucobuxan@gmail.com-
23 de junho de 2010 01:11
__________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon