"Moncho Reboiras a Loita Continua !!!": Homenaxes no 35 aniversario da súa morte

Como ven sendo habitual, Ferrol converte-se, cada 12 de Agosto, no lugar principal de recoñecemento e lembranza da figura de Moncho Reboiras Noia.

Un 12 de Agosto de hai 35 anos era asasinado, no nº 27 da Rúa da Terra, o Compañeiro Moncho, logo dunha persecución de madrugada por varias rúas de Ferrol. Este feito tivo porén unha importante carga de entrega solidária e mesmo heroica, pois posibilitou, deste xeito, que poideran fuxir Elvira Souto Presedo e Lois Rios Paredes militantes da UPG que con el vivian nun "piso franco" da Rúa do Hospital no mesmo Ferrol.

En 2009 o Goberno Español recoñeceu oficialmente a Moncho Reboiras como vítima da ditadura franquista e que sufriu persecución e violencia até lle daren morte e outorgou-lle un recoñecemento persoal que supón a súa rehabilitación institucional.

O pasado 7 de Agosto deste ano 2010, tivo lugar en Imo-Padrón, lugar onde naceu o Compañeiro Moncho, unha especial lembranza por parte de amig@s, familiares e compañeir@s, que constituiron, "desde unha opción non partidaria e non excluínte", a Comisión Moncho Reboiras 35 aniversario, que organizou unha serie de actos a xeito de Homenaxe Popular, baixo o lema “Moncho Reboiras patrimonio de todas as galegas e galegos de ben” -para máis información pode-se acceder a súa páxina web.

En Ferrol, hoxe van ter lugar dous actos, un organizado pola UPG, partido senlleiro do nacionalismo de esquerdas [1964-2010] que está integrado no BNG e outro dunha das organizacións do independentismo, constituida en 2001, Nós-UP:

• A UPG concentrara-se ás 7 da tarde na Praza do Concello, para dirixir-se ao nº27 da Rúa da Terra onde faran unha ofrenda floral, logo terá lugar un acto político no Cantón -máis información na web da UPG.

• Nós-UP, baixo o lema “Moncho Reboiras semente da revoluçom galega” realizará un acto no nº27 da Rua da Terra, às 8 da tarde -máis información na web de Nós-Up.

Interesante artigo de Carme Verde Diego no "Terra e Tempo":

Do mito ao home:o compromiso social de Moncho Reboiras

“O seu compromiso cos mais desfavorecidos conducírono a descubrir unha terra explotada, asoballada, colonizada, sometida non soamente económica e politicamente senón tamén social e culturalmente”


Xan Carlos Garrido en 2009, publicaba en Vieiros este interesante artigo:

Moncho Reboiras
_____________________

Outras forzas políticas conmemoran o 35 aniversario da morte Moncho Reboiras con actos noutros lugares da Galiza:

• Frente Popular Galega -FPG-
• Movemento Galego ao Socialismo - MGS,
• Movemento pola Base - MpB

_________________________

Enlaces relacionados:

Ártabra 21: Ferrol 12 de Agosto de 2009: Conmemoración do 34 aniversario do asasinato de Moncho Reboiras

_______________________________