O BNG SUSPENDE AO GOBERNO LOCAL DIANTE DO INICIO DO CURSO ESCOLAR
ELIA RICO ADVIRTE QUE A DÍA DE HOXE O SERVIZO DE COMEDOR ESTA SEN CONTRATAR
O grupo municipal do BNG no concello de Ferrol cualificou con un suspenso ao goberno local pola súa xestión de cara ao inicio do novo curso escolar xa que considera que este non fixo os deberes nen en xuño nen na convocatoria de setembro.
Elia Rico, concelleira do BNG, afirmou que o curso escolar se inicia na nosa cidade en peor situación que o curso pasado, coas mesmas deficiencias en infraestruturas e co servizo de comedor aínda no aire, xa que, a dous días do inicio do curso, aínda está sen contratar a empresa que debe prestar este servizo.
O BNG considera que o goberno local adicase a botar balóns fora e a dar escusas sen argumento para xustificar que as escolas leven máis de dous anos sen parques infantís. Existía unha partida comprometida nos orzamentos do ano 2009 para esta finalidade, polo que a súa non execución é responsabilidade exclusiva do goberno municipal de Ferrol.
Non é certo, afirma Elia Rico, que o gasto do comedor escolar sexa o culpábel de non ter diñeiro para instalar os parqués infantís, xa que o Concello de Ferrol leva financiando este servizo, ben directamente ben por medio de convenio coa Federación de Anpas, desde a súa implantación. Polo tanto nos orzamentos municipais figuraban dúas partidas diferenciadas, unha para cada cousa. É máis, se tivese sacado a concurso público a xestión dos comedores o gasto podería ser menor polas ofertas de licitación que fixeran as empresas que concurriran ao mesmo, polo que o que aconteceu aquí foi unha clara eiva de xestión administrativa do goberno local de Ferrol, tanto no servizo de comedor como na instalación de parques infantís.
Elia Rico lamentou esta actitude do Goberno Municipal que sabendo desde hai máis dun ano da negativa da Federación de ANPAS a seguir xestionando este servizo e do abandono do ensino público por parte da Xunta de Galiza do Partido Popular, tardou en reaccionar e non soubo ou non quixo axilizar os trámites pertinentes ao obxecto de mellorar as condicións dos centros educativos públicos na nosa cidade.
Ferrol, 8 de setembro, de 2010
Bloque Nacionalista Galego - Ferrol
Enviado por:
Correo electronico BNG
-bng@ferrol.es-
8 de setembro de 2010 13:49
______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon