Este Venres 5 de Novembro de 2010, ás 8 da Tarde, na galería Sargadelos de Ferrol, está organizada, pola A.C. Fuco Buxán, unha Conferencia-coloquio, co titulo: "HONDURAS RESISTE: Situación actual tras un ano de golpe de estado". Na que Intervirá: Bartolo Antonio Fuentes, sindicalista e dirixente da Fronte Nacional de Resistencia Popular de Honduras.
Bartolo Antonio Fuentes, realiza este mes de Outubro unha xira polo Estado Español para dar a coñecer a situación política e social que atravesa actualmente o seu país.
Actualmente é o coordinador do FNRP para o Departamento de Yoro.
Foi candidato a Alcalde en El Progreso (terceira cidade en importancia en Honduras), retirando en 2009 a súa candidatura, ao considerar que uns comicios que se celebraban baixo un Golpe de estado non tiñan ningunha garantia democràtica.
Fuentes explicará a situación actual de Honduras, un ano e catro meses despois do Golpe de estado que derrocou ao Presidente lexítimo, Manuel Zelaya Rosales.
As organizacións políticas e sociais agrupadas na Fronte Nacional de Resistencia Popular (FNRP) conseguiron, cunha intensa mobilización nos últimos cinco meses, recoller máis dun millón trescentas mil firmas para pedir a convocatoria dunha Asemblea Nacional Constituínte que redacte e aprobe unha nova Constitución.
Máis información:
"Honduras Resiste. Situación actual tras un ano do golpe"
A resistencia da poboación hondureña ante o golpe de estado civil-militar acadou a solidariedade da sociedade civil por todo o mundo; en Galicia non podía ser diferente.
A raíz do secuestro da institucionalidade democrática no país centroamericano, organizacións galegas crearon o Grupo de Apoio a Honduras, co fin de apoiar as denuncias e reivindicacións da resistencia, dar a coñecer a situación de represión e vulneración de dereitos humanos e civís e realizar as accións de incidencia política necesarias para que as institucións competentes adopten medidas de cara ao pleno restablecemento da democracia e o cesamento da violencia contra a poboación hondureña.
Pasado máis dun ano do golpe, o Grupo de Apoio a Honduras segue coa súa axenda de solidariedade coa resistencia hondureña. Desta volta, os colectivos que conforman esta plataforma están a organizar a visita á Galicia de Bartolo Fuentes, coordinador departamental do dirixente do Fronte Nacional de Resistencia Popular (FNRP):
Do 3 ao 6 de novembro o dirixente do FNRP participará en diferentes actos institucionais e xuntanzas, asemade de ministrar conferencias en Coruña e Ferrol.
A xira, que coincide coa visita papal a Compostela, pretende chamar atención para a situación de vulneración dos dereitos humanos que se segue a dar en Honduras case un ano e medio despois do golpe.
Dese xeito, a visita de Bartolo Antonio Fuentes a Galicia iniciarase cunha rolda de encontros con representantes dos tres grupos parlamentarios e co recibimento pola Mesa do Parlamento.
As 13:00hs terá lugar na Parque da Constitución (ao lado do Parlamento) un acto simbólico de homenaxe ás vítimas do golpe de estado e recordarase a situación de inseguridade, vulnerabilidade e indefensión a que segue estando sometida a poboación hondureña.
O día 4 de Novembro, ás 17:30hs, terá lugar unha recepción e rolda de prensa no Concello da Coruña e as 20:00hs celebrase na Casa Museo Casares Quiroga a conferencia “Honduras Resiste. Situación actual tras un ano do golpe”.
Esta mesma charla será realizada o día seguinte (5 de novembro) en Ferrol na Galería Sargadelos, as 20:00hs. Nesta cidade tamén están previstos diferentes actos e encontros con colectivos sociais e sindicais nos que participará o dirixente hondureño.
O pasado luns a Comisión Interamericana de Dereitos Humanos da Organización dos Estados Americanos (OEA) ditaminou que no país centroamericano persisten as violacións de dereitos e liberdades da poboación, especialmente de algúns colectivos como activistas de defensa de dereitos humanos, xornalistas, ambientalistas e integrantes da resistencia.
Organizan:
Grupo de Apoio a Honduras: ACSUR Galiza, Amarante, Coordinadora de Crentes Galegos, Cosal, Fuco Buxán, Fuga en Rede e Wipala.
Colabora:
Concellaría de Mocidade, Solidariedade e Normalización Lingüística. Concello da Coruña
--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
Enviado por:
Fuco Buxán Asoc. Cultural - Ferrol
-fucobuxan@gmail.com-
1 de novembro de 2010 22:55
__________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon