Este Venres, 17 de Decembro, vai ter lugar, en Ferrol, o 5º Foro Cívico: “O modelo de cidade que queremos" - Participa !!

Este Venres, 17 de Decembro de 2010, de 6 a 9 da Tarde, na Sala de Actividades do Centro Cultural Carvalho Calero, na Praza do Inferniño de Ferrol, terá lugar o 5º dos Foros Cívicos recollidos no Regulamento de Participación Cidadá

A democracia participativa, as políticas de xuventude, a posta en valor do patrimonio e o medio ambiente ou as novas tecnoloxías foron até o de agora algunhas das temáticas que se abordarón. Os foros son instrumentos de reflexión e participación aprobados ao abeiro do proceso de Orzamentos Participativos de 2009, proceso pioneiro na Galiza.  Acordou-se a súa realización na Asemblea Cidadá para os Orzamentos Participativos de 2009, deseñando-se en conxunto polos dous grupos de traballo dos Orzamentos Participativos e do Regulamento de Participación Cidadá. Ditos foros cívicos están contemplados no Regulamento de Participación, no que se recolle a súa función.

Permiten a participación cidadá en cuestións que afectan a máis dunha área ou sector de actividade municipal. Son, polo tanto, órganos de carácter transversal ou interdepartamental que teñen entre os seus cometidos promover a colaboración entre asociacións, persoas expertas e vinculadas ás temáticas que se aborden nos foros.

Outra das súas funcións é canalizar a participación directa na xestión municipal dos asuntos que afecten a máis dunha área orgánica da actividade municipal, das persoas e das entidades afectadas ou interesadas, establecendo os mecanismos necesarios de información, estímulo e seguimento das actividades municipais. Tamén participar na toma de decisións sobre as medidas a adoptar polo Concello na temática do foro escoitando e debatindo as demandas cidadás e elaborando propostas en forma de dictames e informes. Finalmente, controlarán a execución, por parte do Concello, das actuacións que tivese aprobado a partires dos informes emitidos polo foron.

Xa se realizaron no pasado mes de Novembro os de:

• Democracia participativa. Promoción da participación cidadá no tecido social e administrativo. Corresponsabilidade.
• As políticas de xuventude e a participación cidadá.
• Posta en valor do patrimonio e o medio ambiente.
• Novas tecnoloxías, aforro enerxético e enerxías alternativas.

Este Venres 17 de Decembro terá lugar un moi importante como é "O modelo de cidade que queremos. Ordenamento urbanístico e compromisos sostibles coa cidadanía”.


Participa !!

Coordena os Foros:

Jorge Fente Balsa
Móbil: (34) 627-570943
Tfno.: (34) 981-589269
jorge.fente@cidadania.coop
____________________________