Un novo buque gaseiro, o "LNG Abuja", cargado con miles de toneladas de GNL/LNG anuncia a súa entrada na Ría de Ferrol, para este Mércores 18 de Maio - O Comité Cidadán de Emerxencia convoca unha acción de protesta e denuncia, desta vez en Canido

O "LNG Abuja", un antigo buque gaseiro de grande porte, cargado con miles de toneladas de GNL/LNG para a ilegal e perigosa Reganosa, ten anunciado a súa entrada na Ría de Ferrol, para este Mércores 18 de Maio de 2011. Esta entrada dun buque cargado con gas natural licuado para Reganosa, supon xa a 92, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia convoca unha acción de protesta e denuncia, consitente nunha Concentración Sonora, o mesmo Mércores, ás 8 da Tarde, mais desta volta a Concentración terá lugar en Canido, na Rúa Alegre, nunha pequena praza do barrio [fronte ao elevador da auga], unha nova forma de acción, rotando as mobilizacións por diferentes lugares e barrios, dun xeito itinerante, co obxectivo de chegar coa protesta a un número maior de persoas. Ademais de difundir entre a poboación, en sintese, 10 razóns para preguntar-se ... Por que Reganosa ten que saír da nosa Ría e das nosas Vidas ?.

CONCENTRACIÓN EN CANIDO,

NA RÚA ALEGRE, NUNHA PEQUENA PRAZA
[FRONTE AO ELEVADOR DA AUGA,

ÁS 8 DA TARDE, DO MÉRCORES 18 DE MAIO

[Esta foto foi tirada eN 12 de abril de 2008 - Por romarintyp]

Características do buque:
O LNG ABUJA (ex”Louisiana”) Foi construido por General Dynamics Quincy MA, E.E.U.U. en 1980. Ten 93.619 toneladas de rexistro bruto, 285 metros de eslora, 46 metros de manga , cun calado de 12 metros e capacidade de 126.530 metros cúbicos. En 1999 entra nos asteleiros ferroláns para reformas, sendo rebautizado polos seus propietarios, Lachmar Corporation Inc., LNG Abuja. Está matriculado en Nassau (Bahamas) e clasificado en American Bureau of Shipping. Recientemente foi adquirido porla Nigeria LNG Ltd., e posteriormente transferido a BGT. Este buque estivo reparando en Ferrol por tres veces máis, a última en 2004. Un buque vello, de máis de 30 anos e cun historial de numerosas intervencións no seu casco e maquinaria, muitas delas dentro desta Ría. A última vez que estivo na Ría foi en Novembro do pasado ano, tamén con GNL/LNG para Reganosa.

• POLA DEFENSA DA VIDA, A NOSA SEGURIDADE E A RÍA !!
• CESE DA ACTIVIDADE E DESMANTELAMENTO DE REGANOSA !!
• PLANTA DE GAS FORA DA RÍA !!

Para apoiar e colaborar co Comité Cidadán:

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org



Enviado por:

Comité Cidadán de Emerxencia

-comitecidadan@gmail.com-

16 de maio de 2011 23:46

---

APOIO ECONÓMICO

O Comité Cidadán de Emerxencia, necesita apoio económico, para que poida desenvolver a súa actividade

CONTA DO COMITÉ CIDADÁN DE EMERXENCIA

Para axudas económicas pode-se ingresar na conta corrente aberta no Banco Santander ao nome de:
Luz Marina Torrente e outros

Para ingresar desde unha oficina bancaria desde dentro do Estado:
00493315772894017995

Para ingresar desde unha oficina bancaria desde fóra do Estado:
ES 71 00493315772894017995

Comité Cidadán de Emerxencia para a Ría de Ferrol

comitecidadan@gmail.com
http://comitecidadan.org

______________________