Segunda xornada de Folga no Ensino, hoxe 27 de Setembro, para frear as agresións contra o sistema educativo público e contra o profesorado - Aulas Indignadas e Comprometidas

Hoxe 27 de Setembro de 2011, @s docentes da Galiza están chamad@s a secundar unha nova xornada de Folga Xeral no Ensino Público, será a segunda para frear as agresións contra o sistema educativo público e contra o profesorado. Estas mobilizacións están convocadas de xeito unitario pola maioría dos sindicatos do ensino con presencia na Galiza.

O profesorado tamén está convocado a unha Manifestación Nacional, pola mañá en Compostela que sairá desde a Alameda de Compostela ás 11:30 hs  e rematará diante dos Edificios Centrais da Xunta de Galicia en San Caetano.

Proposta de manifesto de Aulas Indignadas e Comprometidas:



Fonte: http://youtu.be/j1SKOq-iER8

• Somos profes indignad@s,
• somos profes comprometid@s co ensino público!
• Aulas Indignadas é um colectivo cidadán formado por docentes, un colectivo auto-organizado, plural e aberto, que funciona asembleariamente.
• Diante dos ataques da Xunta de Galiza contra o ensino público queremos responder con creatividade, acción e voz crítica, nun proceso de participación no que queremos contar contigo.
• Porque atacan o ensino público, atacan o profesorado e, especialmente, os nosos alumnos e alumnas, os nosos fillos e fillas.
• Atacan o ensino público porque é un ben público, social, igualitario, e eles defenden os intereses privados, elitistas, supremacistas.
• Atácannos porque nas nosas escolas nós queremos educar e eles nas súas queren facer negocio.
• Atácannos porque nas nosas escolas aprendemos os números que eles falsificam e as palabras que eles manipulan,
• Atácannos porque queremos unha escola laica e a eles queren que aprendamos o seu "padrenuestro",
• Atácannos porque aprendemos a informarnos descubrindo as manipulacións dos medios que eles pagan e controlan,
• Atácannos porque nas nosas escolas aprendemos a valorar o noso país, a nosa cultura e a nosa lingua, que eles desprecian,
• Atácannos porque nas escolas aprendemos a respectar a diversidade cultural e eles defendem o uniformismo
• Atácannos porque nas escolas aprendemos que o pobo unido xamais será vencido e eles cren na lei do máis forte,
• Atácannos porque nas nosas escolas aprendemos os dereitos dos trabalhadores e eles apoian a explotación laboral,
• Atácannos porque nas escolas aprendemos a crear, a imaxinar, a ser os artistas libres que eles desprecian,
• Atácannos porque nas escolas aprendemos a compartir e a defender a xusticia social, e eles defenden o individualismo,
• Atácannos porque nas escolas aprendemos a dicir Non ás guerras que eles apoiam,
• Atácannos porque nas escolas aprendemos a traballar en grupo, a debater e decidir en pé de igualdade e eles son mandóns e autoritaristas,
• Atácannos porque aprendemos a respectar a natureza que eles agreden e destrúen,
• Atácannos porque nas nosas escolas aprendemos a ser mulleres libres e eles defenden o poder machista e patriarcal,
• Atácannos porque queremos cambiar e mellorar este mundo e eles son os que o empeoran.

Somos profes indignad@s

Non á redución da calidade do ensino público.
Comprometid@s coa pública, indignad@s coa administración.

Aulas Indignadas e Comprometidas:
http://aulasindignadas.blogaliza.org/
___________