Por Juan Torres López
07.10.2011
07.10.2011
O Banco de España propuxo nunha circular recente que os préstamos hipotecarios deixen de estar referenciados no Euribor para "reducir a dependencia do noso sistema financeiro respecto dos tipos de interese interbancarios a un ano".
¡Hai que ter cara dura!
Co proceso de desaparición ou fusión das caixas de aforros desparecen algúns dos índices que se poden tomar como referencia á hora de revisar o tipo de interese dos préstamos variables. Os recoñecidos agora polo Banco de España son os seguintes:
a) Tipo medio dos préstamos hipotecarios a máis de tres anos, para adquisición de vivenda libre, concedidos polo conxunto de entidades de crédito (3,533% en agosto).Pois ben, de todos eles resulta que o Euribor é o índice máis baixo. É dicir, que o que se busca de verdade por máis escusas que se dean revestidas de tecnicismos é facerlle un novo agasallo á banca privada, agora mediante un novo índice que automaticamente eleve os tipos que cobra aos seus clientes.
b) Tipo de rendemento interno no mercado secundario da débeda pública de prazo entre dous e seis anos (4,272% en Setembro).
c) Referencia interbancaria a un ano (EURIBOR, 2,082% en Outubro).
d) Tipo de permuta de intereses a 5 anos.
e) O MIBOR, exclusivamente para os préstamos hipotecarios formalizados con anterioridade ao 1 de xaneiro de 2000 (2,208% en Octubro).
O goberno e os partidos representados no Consello do Banco de España calan e outorgan.
Unha vergoña máis e xa non se cantas van por parte da nosa máxima autoridade monetaria que presume de independente.
Se o Banco de España quere reducir a variabilidade dos tipos de interese o que ten que facer é obrigar aos bancos privados a ofrecer tipos de interese fixos reducidos e a facilitar a conversión neles dos actuais de tipo variable para aliviar o peso que soportan as familias e que directamente se traduce en beneficios para a banca.
E para non ter que depender destas entidades que se dedican a especular tan irresponsablemente o adecuado é crear unha banca pública que financie urxentemente ás empresas que crean emprego e riqueza e ás persoas. Claro que para iso é necesario tamén que haxa novas normas de regulación do sector público e da clase política para impedir que quen deben servir a toda a sociedade estean só ao servizo dos intereses privados. Canto antes.
[*] Juan Torres López, Granada -1954-, Doutor en CC. Económicas e Empresariais, exerce na Universidade de Sevilla como catedrático de Economía Aplicada do Departamento de Teoría Económica e Economía Política. Escritor, investigador, analista de política económica e activista social. Manten unha páxina web "Ganas de Escribir" -www.juantorreslopez.com- e coordena a páxina web dedicada a información económica -www.altereconomia.org-
Enviado por:
juantorres@us.es
-juantorres@us.es-
7 de outubro de 2011 14:14
________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon