Un novo buque gaseiro achega-se ás costas galegas do noroeste. Ten prevista a súa chegada ao Golfo Ártabro ás 5 da mañá de hoxe Xoves, 8 de Novembro de 2011. Sobre as 14:55h é a preamar, polo que a entrada na Ría será sobre esa hora, dado que os buques destas características só poden entrar na Ría con marea alta, polo escaso calado da canle de entrada de máis de 4.000 metros de lonxitude, estreita e sinuosa.
Ante este anunció de entrada na Ría de Ferrol do "SCF Pola" -para Reganosa, buque gaseiro moi antigo -42 anos, pois a súa construción data de 1969, o Comité Cidadán de Emerxencia para a Ría de Ferrol convoca -diante do aumento da ameaza contra a seguridade e a vida, que supón a entrada deste buque gaseiro, xunto á propia instalación da Planta de Gas en Mugardos- unha nova concentración sonora de protesta e denuncia para hoxe, desta vez no Cantón, frente ao Palco da Música, ás 7 da tarde.
Características do buque:
Bandeira .- Liberia; Ano construción.- 1969; Eslora.- 243 m; Manga.- 34 m; Calado.- 10.5 m; Puntal.- 47m; Capacidade.-71.500 m3
- POLA DEFENSA DA VIDA, A NOSA SEGURIDADE E A RÍA !!
- CESE DA ACTIVIDADE E DESMANTELAMENTO DE REGANOSA !!
- PLANTA DE GAS FORA DA RÍA !!
Comité Cidadán de Emerxencia para a Ría de Ferrolcomitecidadan@gmail.com
www.comitecidadan.org
Información baseada na enviada polo:
Comité Cidadán de Emerxencia
-comitecidadan@gmail.com-
7 de dezembro de 2011 13:46
_________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon