Non son bágoas de crocodilo - O Goberno Italiano presenta o seu Plan Demoledor e Criminoso contra a Clase Traballadora - Vídeo

Son as bágoas de alguén que sabe que está cometendo un crime, e aínda garda no seu interior máis profundo unha mínima porción de humanidade.

Esta señora sabe perfectamente que é un ser despreciable, que obedece o mandato de individuos ata máis despreciables que ela mesma.

Chora porque está xogando co pouco pan dunha maioría que nin sabe por onde lle chove nin aínda sabéndoo sería fácil que se defendese dela. Desde a súa posición impón sacrificios as menos afortunadas. E si, parece que si é consciente de que non é xusto que aos que máis teñen non se lles haxa sequera molestado; non digamos xa, consultado sobre achegar proporcionalmente (o mínimo aumento de 3 puntos sobre o IRPF soportarano as rendas de traballo e non de capital, e o 2% do IVE, para todos, do mesmo xeito que o imposto á primeira vivenda, e todo o demais que propuxeron).

E o depravado que ten á beira [1]. Ese que di que renuncia ao seu salario de xefe do Consello e ministro de Economía e Finanzas, e que insulta con isto á intelixencia dos seus damnificados concidadáns, actúa como o que se espera del; como un suxeito soberbio preñado de elitismo aristocrático.

Ou empezamos a espabilar, ou deixarán de existir casos como o desta ministra, pois o costume crea a moral, e o que hoxe parece un asalto á sociedade, pode non parecelo en pouco tempo.



http://youtu.be/AWzEovX-OJI


Fonte: Iniciativa Debate

[1] Quen é Mariano Monti?

É o actual primeiro ministro de Italia tras a dimisión de Berlusconi. Non elixido polo pobo:

• Ex director europeo da Comisión Trilateral abaixo mencionada.
• Ex-membro do equipo directivo do grupo Bilderberg.
• Asesor de de Goldman Sachs durante o período en que esta axudou a ocultar o déficit do goberno grego.

Comisión Trilateral: desde 1998, fundada por Rockefeller, lobby neo-liberal (dedícanse a comprar políticos a cambio de subornarlles).

Goldman Sachs: é un dos maiores bancos de investimento mundial e co-responsable directo, xunto outras entidades como a axencia de cualificación Moody's, da crise actual, e un dos seus maiores benficiarios. Só a modo de pincelada, en 2007 gañaron 4 mil millóns de dólares en operacións que desembocaron no desastre actual.

Grupo Bilderberg: Nunha entrevista Arcadi Oliveres explica quen son os personaxes máis influentes da política e a economía mundial e a relación entre eles [Moi interesante vídeo en vimeo].
__________________________