Norma Andrade. México. (as nosas fillas de volta a acasa)
En México "o día internacional da muller é unha data de loito"
Así o sinalou Norma Andrade, a dirixente da agrupación mexicana As Nosas Fillas de Volta a Casa -Nuestras Hijas de Regreso a Casa, encargada de documentar os feminicidios na mexicana Cidade Juárez, en Chihuahua, ao norte daquel país.
A defensora polos Dereitos Humanos sinalou que as mulleres desta nación non teñen nada que conmemorar.
Salientou que é unha data luctuosa para as nais con fillas asasinadas ou desaparecidas en Cidade Juárez e en todo o país.
Convén recordar que un estudo da Organización das Nacións Unidas (ONU) en coordinación coa Cámara dos Deputados revelou que de 1985 a 2009 rexistráronse 34 mil 176 crimes en contra das mulleres desa nación.
Ademais, Andrade sinalou que a bandeira mexicana debería ondear a media hasta, como un sinal de dó, mentres non sexa localizada cada unha de mozas desaparecidas.
A activista reapareceu nunha conferencia de prensa para solicitar ás autoridades a localización das desaparecidas en Cidade Juárez. Andrade mantívose afastada dos eventos públicos logo de sufrir un par de atentados en Cidade Juárez e na cidade de México.
Por outra banda, Andrade admitiu temer pola súa vida ao permanecer en México, xa que logo avalía aceptar o asilo humanitario ofrecido por España ou Estado Unidos. Dixo que a decisión non era fácil pois a súa familia sería desintegrada.
De momento, permanece baixo resgardo da policía local e da Fiscalía nacional.
Norma Andrade é nai de Lilia Alejandra García Andrade, de 17 anos, quen foi asasinada en febreiro de 2001 en Ciudad Juárez.
Tras a morte da súa filla, adoptou aos seus netos menores e fundou a organización As nosas Fillas de Volta a Casa.
O asasinato de Lilia Alejandra aínda permanece impune.(PÚLSAR)
8 de Marzo de 2012
Alejandro Pacheco (desde México)
Audio:
Norma Andrade, da agrupación mexicana "Nuestas Hijas de Regreso a Casa".
1 min. 02 seg. (578 Kb.) arquivo mp3
Fonte: Pulsar Axencia Informativa de Amarc Alc - Copyleft
* * *
"As nosas fillas de regreso a casa? é unha asociación civil fundada por familiares e amizades de jovencitas desaparecidas ou asasinadas no Estado de Chihuahua, que enfrontamos esta situación da perda das nosas fillas adoptando unha actitude activa que nos permite saír da impotencia ao denunciar os feitos e esixir ás autoridades para que respondan á nosa demanda de xustiza. ...".
http://nuestrashijasderegresoacasa.blogspot.com/
_________________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon