|O 'Catalunya Spirit" cargando no peirao de Punta Promontorio, o 5 de Abril de 2012|
ADEGA-Ferrolterra denuncia
Este pasado martes |2012-04-03 ás 14:10|, atracou na planta de gas REGANOSA o buque gaseiro "Catalunya Spirit" con 135.000 m3 de gas natural licuado. Este gas procedente de Trinidade e Tobago, descargouse na planta este mércores para ser de novo a cargar de novamente hoxe no mesmo barco e con destino descoñecido.
A carga e descarga do gas natural son manobras que entrañan un alto risco.
No caso da planta de REGANOSA, situada no interior da Ría de Ferrol, os riscos son aínda maiores debido a dificultade que supón a navegación de estes grandes buques por unha estreita canle de entrada de 5km de lonxitude. Para estas operacións de entrada e atraque dos gaseiros precísase da axuda de 4 remolcadores e só se poden realizar en condicións óptimas de visibilidade, que non sopren ventos de mais de 15 nos e coincidindo coa preamar.
Resulta inexplicable que as autoridades permitan estas cargas e descargas que non aportan outra cosa que un risco gratuíto para a veciñanza e un alto custo en cartos para o sistema gasista, que pagamos todos e todas, e por riba repercutirá no encarecemento do gas.
Non sería máis doado, máis barato e máis seguro que o "Catalunya Spirit" continuase rumbo a o porto destino sen ter que descargar e volta a cargar os 130.000 m3 de gas.
Que se esconde detrás destes ilóxicos, caros e perigosos trafegos de gas?
Ferrol Terra, 5 de abril de 2012
Humberto Fidalgo, Directiva de ADEGA-Ferrolterra e representante no Comité Cidadán de Emerxencia para a Ría de Ferrol.
|O cruceiro'MS Saga Sapphire',con máis de 1000 persoas a bordo saíndo do Porto Interior de Ferrol, mentres se produce a irresponsábel carga e descarga do 'Catalunya Spirit' en Reganosa|
Interesantes preguntas fai Suste'70 no seu Blogue:
http://ferrolsuso.blogspot.com.es/2012/04/o-que-esconde-xunta-de-feijoo-s-galegs.html
Fotos de Susete'70.
Información baseada na enviada por:
suso
-susopazos@yahoo.es
5 de abril de 2012 18:40
http://ferrolsuso.blogspot.com/___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon