O pobo unido xamais será vencido !
“Non ao saqueo do pobo. Hai que impedir que nos arruinen”
Centos de miles de persoas saíron ás rúas da Galiza e varios millóns no conxunto do, polo de agora, Reino de España, contra a política económica e social do goberno español, contra o "saqueo do pobo", e para "impedir que nos arruínen"...
Onte mesmo o Parlamento Español validaba as medidas antisociais de recortes económicos, sociais, políticos, ... e de dereitos.
Ferrol Terra tamén ocupou as rúas da cidade. A convocatoria unitaria dos sindicatos (CCOO, CIG, UGT e USTG), que contou tamén cunha ampla presenza doutros sindicatos non asinantes da convocatoria como a CNT e algúns sindicatos sectoriais, resultou multiplicadora da vontade popular. Nunha praza desbordada, o escritor Antón Cortizas leu o comunicado conxunto que resultou en mitin, coreado polas consignas de "goberno dimisión", "a próxima parada que sexa Elena Fabras", "postos de traballo na nosa Terra", "non pode ser obreiros na cadea, corruptos no poder", e un emotivo "o pobo unido xamais será vencido". No comunicado, onde non faltou a crítica aos privilexios da Igrexa Católica, pedíase un referendo ou eleccións anticipadas coa dimisión dos gobernos do PP.
Fotos de Susete'70 e de Fuco Buxá.
___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon