A sub-subcontrata da subcontrata , da contrata, do Goberno Municipal

O goberno municipal do dereitista e antidemocrático Partido Popular, contratou a unha empresa o amaño de furados na cidade, que presenta un estado moi crítico. A maioría das persoas que transitamos pola cidade, sexa en vehiculo ou a pé, sabemos que Ferrol está cheo de fochas e nalgún caso moi perigosas polo seu tamaño e profundidade. Despois de moitas denuncias e sobre todo da DENUNCIA sobre o Malgasto na Praza de España e do perigoso da situación do túnel,  o malgoberno municipal, do dereitista e antidemocrático Partido Popular, elaborou un "Plan expres" dotado con 300.000 euros, para paliar este problema que dura máis dun ano. Mais ollo! quen é a contrata, ou a subcontrata da contrata que comezou a traballar polas rúas de Ferrol a finais do més pasado? Onte mesmo na rotonda do Diapasón, na zona das Telleiras, o perigo rondaba a obra, un grande tractor con inmenso remolque ocupaba o paseo e carril-bici, un tractor cunha soa placa de matricula especial na parte traseira da cabina. O remolque non tiña nengún tipo de identificación. Unha pequena furgoneta sen identificar tamén, na parte central da rotonda sen luces de señalización de obra, tres operarios sen medidas de proteción. Unha pequena apisonadora manual, martelo neumático traballando sen proteción, a señalización só consistía en tres conos, ... O accidente laboral de onte en Canido, onde morreu un obreiro é un aviso. Os accidentes ocurren e a responsabilidade na prevención tamén é do MalGoberno Municipal de José Manuel Rey Varela. Os sindicatos deberan controlar este asunto.

Enviado:

Centro Media Independente e Comunitario de Ferrol Terra
cmic@deferrolterra.org

9 de agosto de 2012 23:03

_____________________