Anuncian a entrada do "LNG Edo", cargado con miles de toneladas de gas natural licuado para a ilegal e perigosa Reganosa - O Comité Cidadán convoca unha nova concentración sonora para este Martes 2 de Outubro en Esteiro

CONCENTRACIÓN NA PRAZA DO HIMNO GALEGO,
DE ESTEIRO, EN FERROL

ÁS 7 DA TARDE, DO MARTES 2 DE OUTUBRO

O "LNG Edo", un buque gaseiro moi vello -32 anos de antigüidade; de grande porte, con 285,3 metros de eslora por 43.7 de manga e un calado de 11,53; cargado con miles de toneladas de GNL/LNG, para a ilegal e perigosa Reganosa; ten anunciado a súa entrada na Ría de Ferrol, para este Martes 2 de Outubro de 2012. Esta entrada dun buque cargado con gas natural licuado para Reganosa, supon xa o 127, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia convoca unha acción de protesta e denuncia, consitente nunha Concentración Sonora, o mesmo Mércores, ás 7 da Tarde, mais desta volta a Concentración terá lugar na Praza do Himno Galego, no bairro ferrolá de Esteiro. Nunha nova forma de acción, rotando as mobilizacións por diferentes lugares e barrios, dun xeito itinerante, co obxectivo de chegar coa protesta a un número maior de persoas. Ademais de difundir entre a poboación, en sintese, 10 razóns para preguntar-se ... Por que Reganosa ten que saír da nosa Ría e das nosas Vidas ?.

O "LNG Edo" escorado nun dos pantaláns do Bony no Delta do Niger en Nigería

•  POLA DEFENSA DA VIDA, A NOSA SEGURIDADE E A RÍA  !!
•  CESE DA ACTIVIDADE E DESMANTELAMENTO DE REGANOSA  !!
•  PLANTA DE GAS FORA DA RÍA   !!

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Tamén en Twitter :  @ComitCEmerxenc
Información baseada na enviada polo:

Comité Cidadán de Emerxencia

-comitecidadan@gmail.com-

30 de setembro de 2012 16:51

_______________