A Plataforma en Defensa da Sanidade Pública de Ferrol convoca unha mobilización o 4 de decembro.
A Plataforma en Defensa da Sanidade Pública de Ferrol, na súa sesión plenaria de onte mércores 21 de novembro e na que estaban presentes 17 entidades, ACORDOU convocar unha mobilización para o martes día 4 de decembro en Ferrol (concentración ou manifestación) en Defensa da Sanidade Pública e en solidariedade coas mobilizacións que se celebran en Madrid.
Na xuntanza que SOS Sanidade Pública terá o 27 de novembro, o representante da Pdspf trasladará a proposta de que se realicen, convocadas polas plataformas sanitarias locais, mobilizacións ese día en todo Galicia.
A Comisión Permanente da Pdspf terá unha nova xuntanza preparatoria da mobilización o luns 26 de novembro ás 18 H na AV de Esteiro a que se vai convocar aos secretarios comarcais de CCOO, UGT e CIG para pedirlles unha maior implicación na Pdspf.
A Comisión Permanente, en principio, vai seguir formada polas mesmas entidades que a compoñían: Xunta de Persoal dá Área Sanitaria, CCOO, UGT, CIG, AV de Esteiro, AV de Caranza, Fuco Buxán, Ártabra 21, Agavida, Amicor e se vai incorporar a AV O Rosario-Inferniño. A xuntanzas da Comisión Permanente seguirán sendo abertas á asistencia de calquera das entidades que compoñen a Pdspf.
Por decisión propia, deixa a súas funcións de portavoz-coordinador, quen o viña facendo durante estes últimos tres anos. Na próxima xuntanza da Comisión Permanente se tomará a decisión de quen e como exerce a portavocía: Se é colexiada, rotatoria, unipersoal, etc.
Tamén, por decisión propia, o compañeiro Fran Iglesias deixa a xestión do Blog e do correo electrónico da Pdspf que estivo facendo durante estes tres anos e polo que recibiu o agradecemento do conxunto de entidades da Pdspf. O compañeiro Fran Iglesias amosou a súa disposición de colaborar con quen vaia xestionar o Blog e o correo.
Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com
Enviado por:
Plataforma en Defensa da Sanidade Pública Ferrol
-plataformadspferrol@gmail.com-
22 de novembro de 2012 08:26
_________
2 comentarios
Lembrar que pregamos o maior respeito coas pessoas, polo que ataques pessoais e insultos seram eliminados.
O anterior comentário, postado por um conhecido Anónimo, foi removido, por nom respeitar estas mínimas normas.
O Administrador do sítio.
Inácio
---
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon