II Xornada de traballo na Batería de San Carlos sábado, 1 de diciembre de 2012
|Acción Directa de Recuperación de Espazos Públicos|
Este sábado eramos soamente cinco as persoas que podiamos ir a traballar, pero tivemos a incorporación de dúas novas compañeiras ao equipo, estas rapazas, a pesar de ter un posto de traballo estable, decidiron poñer o seu tempo a disposición deste colectivo cidadán e reivindicar a recuperación de espazos naturais e do noso patrimonio en estado de abandono por parte das autoridades competentes.
As tarefas centráronse na recuperación de parte dos muros superiores, as dúas escaleiras laterais, e o chan da parte superior da fortaleza.
Pouco a pouco, e aínda que o tempo non nos vén acompañando, a fortaleza esta sacando ao exterior a súa beleza.
Cumpre recordar que esta Batería defensiva é unha das fortificacións que en mellor estado se encontra da nosa ría, a pesar de ser unha das máis antigas (1731-1739), é unha obra de Juan de la Ferriere e Juan Vergelde, fortificación de estilo neoclásico, forma parte das fortificacións da entrada da ría de Ferrol, e servía de apoio aos castelos de San Felipe, A Palma e San Martín.
Para chegar a esta fortificación, debemos dirixirnos á Batería de San Cristovo, aparcamos ao lado desta, e dirixímonos a pé cara á única pista que hai, que ao pouco se converte en sendeiro peonil, camiñados uns trescentos metros chegaremos á San Carlos.
Galería Fotográfica
Publicado en recuperaciondeespazospublicos
Queres participar?
Apúntate!!
e-mail: recuperaciondeespazospublicos@gmail.com
Teléfonos: 620 312 992 - 637 567 497
Facebook: https://www.facebook.com/groups/444525015569821/
_________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon