Aos que nos queren facer pagar os custos da crise económica témolos que combater na rúa. Tamén nas institucións pero fundamentalmente na rúa con organización e mobilización. A aqueles que sosteñen, financian ou ou alimentan a engranaxe do mecano que funciona só succionando suor e transformando sufrimentos en capital temos que combatelos até o final.
Estamos nas vésperas da celebración do 10 de Marzo, o Día da Clase Obreira Galega, data na que o noso país celebra e reivindica a loita heroica dos traballadores ferroláns que desafiaron a represión da ditadura franquista para reclamar de maneira pacífica os seus dereitos como traballadores e asemade deron un pulo formidable á loita polas liberdades democráticas.
A data do 10 de Marzo de 1972 ten unha significación sobranceira para a construción dunha alternativa democrática e transformadora ao noso país, porque supuxo sen ningún xénero de dúvidas unha masiva deslexitimación social da ditadura. Dende o ámbito económico da produción, a clase traballadora acadou unha grande onda expansiva de simpatía e solidariedade de amplos sectores sociais e populares, que leron na espiral de violencia e represión da ditadura a súa radical incapacidade para manter un réxime de iniquidade.
Hoxe, como hai corenta e un anos é o momento do pobo e da súa unidade;a fraude, os paraísos fiscais e a corrupción duns poucos son o empobrecemento da maioría; os desafiuzamentos, o desemprego e a corrupción son a expresión da violencia social contra a maioría na que se sostén o actual estado de cousas. É o momento de poñer en primeirísima liña os intereses dos que non teñen outra maneira de poder vivir que vender o seu pelexo, a súa forza de traballo. Cómpre sermos xenerosos e traballar continuamente a prol da unidade de clase, da unidade de todos/as os/as traballadores/as.
O Consello Local de Esquerda Unida anima a toda a cidadanía combatente a acudir aos actos conmemorativos do 10 de marzo, Día da Clase Obreira Galega, convocados polas organizacións sindicais e facer desta data un fito na loita contra os gobernos do PP.
Adiante!
Viva o dez de marzo.
Viva a unidade de clase traballadora.
Consello Local de Esquerda Unida-Ferrol
Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org
http://www.esquerdaunida.org/ferrol.html
http://www.esquerdaunida.org/
Enviado por:
Ferrol Esquerda Unida
-eu-ferrolterra@esquerdaunida.org-
8 de março de 2013 14:10
Bos días; adxuntamos o manifesto e cartaz do Consello Local de Esquerda Unida con motivo do dez de marzo. Saúdos.
_____________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon