Bradley Manning: espera-se o fallo logo da "difamación" da fiscalía e a reserva total do goberno.
Concluíron os alegatos finais do xuízo militar ao soldado Bradley Manning, que durou case dous meses. A xuíza responsable do caso, coronel Denise Lind, está neste momento deliberando sobre 21 cargos, entre eles "colaborar co inimigo". Manning enfronta a posibilidade dunha condena a prisión perpetua por filtrar máis de 700.000 documentos ao sitio web de revelación de datos secretos, WikiLeaks, e a outras fontes de noticias. Considera-se a maior filtración de información clasificada na historia de Estados Unidos. Durante o fin de semana, grupos de manifestantes concentraron-se en decenas de cidades de todo o mundo nun acto internacional para pedir a liberación de Manning. A xornalista independente Alexa O'Brien, quen estivo na sala de audiencia todos os días desde que empezou o xuízo, atópase fronte á sala e comunícase connosco desde alí. "Había gardas armados que percorrían os corredores, en realidade, parábanse detrás dos xornalistas, espiaban as nosas computadoras, colocábanse detrás noso cada cinco minutos", afirma O'Brien sobre o modo en que os xornalistas foron tratados a semana pasada. "Foi un comportamento moi vergonzoso". Tamén nos acompaña Michael Ratner, presidente emérito do Centro para os Dereitos Constitucionais e avogado do fundador de WikiLeaks, Julian Assange; Ratner presenciou os alegatos finais. "O que é terrible aquí é a teoría do goberno: pódese axudar ao inimigo" subindo información en Internet, información de intelixencia que non ten que ser clasificada", afirma Ratner. "Como o inimigo le Internet, un pode ser acusado de axudar ao inimigo".
Fonte: democracynow.org
Web pola liberdade do soldado Bradley Manning:
http://www.bradleymanning.org/
[Máis Info]
Enviado por:
Democracy Now!
-democracynow.org@democracynow.org-
29 de julho de 2013 22:20
____________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon