Desconcertado, ... Por Amadeo Varela

Por Amadeo Varela [*]
20.01.2014

Así me teñen as novas que aparecen nos medios, dando conta dos excelentes resultados rexistrados pola Autoridade Portuaria de Ferrol, que parecen ser, cos do Rácing, os únicos bos na nosa cidade. Mágoa que, en ámbolos dous casos, a repercusión desa bonanza só se pode apreciar nas correspondentes clasificacións. No caso do noso representante futbolístico, a cousa é perfectamente normal, mais no caso do porto, para xente coma min, que non teña moitos coñecementos da macroeconomía, resulta un pouco raro que esa bonanza nos rexistros de tráfico de mercadorías, non se vexa reflectida na economía comarcal. Porque, imos ver: o movemento de preto de trece millóns de toneladas no ano, debería producir un beneficio económico, e xa que logo, ese beneficio deberíase notar aquí, ao menos un pouco. Mais o paro e a penuria económica da nosa zona seguen a bater marcas. E pregunto eu, a boa marcha do porto produce beneficios? E si é así, onde van parar eses beneficios?

Publicado no Diario de Ferrol | 14.01.2014.

[*] Amadeo Varela Rodríguez -Ferrol 1936, foi traballador de BAZAN, é o autor de "Recordos do vello Racing" publicado no 2000, "Bazan e Ferrol - Unha simbioses perfecta?" (a historia dunha época, "... detrás de cada barco que nace, hai moitas horas de esforzo. Nesa tarefa, miles de traballadores foron gastando a súa saúde e a súa vida") publicado no 2003 e coautor de "Retallos da Memoria II" ("Memorias de neno" sobre a súa vida de pequeno nunha familia republicana perseguida), publicado no 2009. Autor de numerosas cartas e artigos na prensa local. Autor de sitios na rede sobre Ferrol. Cofundador da Asociación San Fernando para defender o Patrimonio Histórico do barrio ferrolán de Recimil contra a súa pretendida demolición, membro do Colectivo Recimil co que promoveu a Plataforma Ártabra 21 e a Plataforma en Defensa dos Espazos Públicos. Na actualidade forma parte do Colectivo Ártabra 21.

Foto da cabeira da nova de Manuel Carnota.
_________________