terça-feira, abril 08, 2014

Esquerda Unida rexeita de plano o anteproxecto de lei que deixará a Ferrol sen partido xudicial e polo tanto sen órganos xudiciais

O Consello Político Local apoiará todas as medidas de presión e forza que convoquen os traballadores e fai un chamamento á cidadanía a defender a xustiza de proximidade e os intereses da cidade e da comarca. | Esquerda Unida de Ferrol impulsará e apoiará no Concello , no Parlamento e no Congreso todas as iniciativas tendentes a reverter os contidos do anteproxecto de lei lesivos para os intereses da cidade e da cidadanía da comarca.

O Consello Político Local de Esquerda unida quere manifestar o seu apoio ás concentracións convocadas hoxe en protesta polo anteproxecto da Lei Orgánica do Poder Xudicial que desde hai meses vén pergueñando o goberno do PP para darlle a puntilla á xustiza como servizo público. Desde hai meses os traballadores do sector de  xustiza veñen alertando sobre as consecuencias da reforma de Gallardón e que se sumarían ao xa existentes recortes de dereitos, de acceso á xustiza gratuíta e de defensa  do servizo público ante a posible privatización do Rexistro Civil, en concreto, a actual reforma é o golpe máis grande á xustiza de proximidade desde a chegada da democracia e que significa: para Ferrol a eliminación dos órganos xudiciais adscritos ao partido xudicial, e para a comarca, a eliminación dos xulgados de paz.

Coa creación dos tribunais provinciais de instancia desaparece o partido xudicial de Ferrol e reasígnase os efectivos xudiciais dentro dun único órgano provincial aínda que poidan permanecer en Ferrol unidades administrativas.É dicir alónxase da comarca os órganos naturais de xustiza,os xulgados, e concéntranse na Coruña dándolle o golpe definitivo á xustiza de proximidade ,á calidade do servizo público e ás garantías do emprego dos traballadores do sector consolidando a mobilidade funcional e xeográfica dos traballadores.

A partir da entrada en vigor da lei a Xunta disporá dun ano para facerlle unha proposta ao Consello Xeral do Poder Xudicial en materia de demarcación territorial pero mantendo  a estrutura provincial en todo caso, polo que a sorte do partido xudicial de Ferrol está botada na medida en que a Xunta do PP é ,a todas luces, colaboradora necesaria do anteproxecto de lei.

Ferrol 8 de abril de 2014

Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
8 de abril de 2014 14:24

Boas. Enviamos nota en apoio á concentración hoxe nos xulgados  contra o anteproxecto de lei orgánica do poder xudicial presentada polo goberno o pasado venres. Grazas e un saúdo. Secretaría de Comunicación. CPL-Ferrol

________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon