sábado, agosto 16, 2014

Preocupados, ... Por Amadeo Varela

Por Amadeo Varela [*]
16.08.2014


Supoño que calquera traballador que crea na necesidade de ter unha representación, para defender os seus lexítimos intereses, ten que estar preocupado polo “consello” que algúns cargos do PP lle deron hai uns días aos membros do comité de Navantia, dicindo que non deberían meterse en debates políticos. Hai que ser moi cándido para pensar que os debates políticos, de calquera tipo, poden ser indiferentes para os que teñen que vivir pendentes de decisión políticas, sobre todo no caso de traballadores de empresas públicas. Quero pensar que aquel “consello” foi soamente un xeito pouco afortunado de falar e que non tiña a intención de enviar unha sutil ameaza. De calquera xeito, coido que os do comité teñen a suficiente experiencia e sentido do humor para non pensar moito no que un par de “iluminados” digan ou queiran insinuar e continúen co seu traballo, porque senón, pobres dos que teñan que agardar que os políticos profesionais lles amañan os problemas.

Publicado no Diario de Ferrol | 15.08.2014.

[*] Amadeo Varela Rodríguez -Ferrol 1936, foi traballador de BAZAN, é o autor de "Recordos do vello Racing" publicado no 2000, "Bazan e Ferrol - Unha simbioses perfecta?" (a historia dunha época, "... detrás de cada barco que nace, hai moitas horas de esforzo. Nesa tarefa, miles de traballadores foron gastando a súa saúde e a súa vida") publicado no 2003 e coautor de "Retallos da Memoria II" ("Memorias de neno" sobre a súa vida de pequeno nunha familia republicana perseguida), publicado no 2009. Autor de numerosas cartas e artigos na prensa local. Autor de sitios na rede sobre Ferrol. Cofundador da Asociación San Fernando para defender o Patrimonio Histórico do barrio ferrolán de Recimil contra a súa pretendida demolición, membro do Colectivo Recimil co que promoveu a Plataforma Ártabra 21 e a Plataforma en Defensa dos Espazos Públicos. Na actualidade forma parte do Colectivo Ártabra 21.
__________________



Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon