Unha vez máis o Comité Cidadán de Emerxencia mobilizou-se ante a entrada dun gaseiro cargado para a ilegal e perigosa Reganosa - Vídeo

Este venres 7 de Novembro de 2014, entraou un novo gaseiro cargado con miles de toneladas de gas natural licuado (GNL/LNG), para a ilegal e perigosa Reganosa, Planta de Gas situada en Punta Promontorio, no concello de Mugardos, no corazón da Ría de Ferrol, moi próxima a os núcleos de poboación e con máis de 50.000 persoas morando na súa contorna, nun radio de menos de 3.000 metros. Todo un despropósito acompañado de corrupción política e económica.

O buque que entrou nesta ocasión é o “LNG Sevilla Knutsen”, un metaneiro de bandeira española e grande porte, con unha eslora de 290,00 m, 45,80 m de manga, 26,50 m de puntal, 12.90 m de calado e 173.400 m³ de capacidade, moi superior á permitida pola normativa en vigor. Este buque fixo o nº 182 desde que o fixera o LNG "Galicia Spirit" en Maio de 2007.

Como sempre que entra un buque que pon en perigo á poboación da contorna da Ría de Ferrol, o Comité Cidadán de Emerxencia convocou unha concentración. Desta vez na Praza Amada Garcia, diante do Edificio Administrativo da Xunta de Galicia, ás 7 da tarde. A concentración desenvolveu-se ao redor da denuncia que presentou o Comité ante a Fiscalía Especial para Delitos Económicos Relacionados coa Corrupción, escrito para que se investiguen dentro das causas abertas pola mala xestión da Caixa Galicia e posteriores entidades derivadas, as irregulares operacións financeiras con Reganosa e a responsabilidade do ex-director xeral da Caixa, José Luís Méndez López que na actualidade segue sendo membro do Consello de Administración da mencionada empresa regasificadora (Acceder á Denuncia).

O compañeiro coordinador do comité Cidadá, Manuel A. Rodríguez Carballeira (Lalán), dirixeu-se ás persoas concentradas e aos cidadán en xeral denunciado unha vez máis á corrupta, ilegal e perigosa Reganosa (vídeo).


http://youtu.be/JwPJJ0pdroQ
Hai dous anos e medio (11 de maio de 2012) que se ditou a Sentenza polo Tribunal Supremo, onde a planta xa foi declarada ilegal, en sentenza inapelábel. Mesmo este 15 de Setembro, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE ERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

6 de novembro de 2014 10:02

_______