quinta-feira, março 12, 2015

A Marcha Mundial das Mulleres pide a dimisión de Verónica Casal como Concelleira-Delegada de igualdade de Ferrol


A MARCHA MUNDIAL DAS MULLERES PIDE A DIMISIÓN DE VERÓNICA CASAL COMO CONCELLEIRA-DELEGADA DE IGUALDADE

A Coordinadora Local da Marcha Mundial das Mulleres de Ferrolterra quere denunciar publicamente a actitude que mantén con esta organización a Concelleira-delegada de Igualdade Verónica Casal dende que ocupa o seu posto como Concelleira.

A súa primeira actuación foi enviarnos á policía municipal para prohibirnos o pintado das siluetas que a Marcha facemos nas concentracións que convocamos cando unha muller é asasinada vítima da violencia machista na Galiza.

O seu seguinte paso foi denegarnos unha subvención, fronte ao que presentamos recurso, e do que nunca tivemos unha resolución oficial pero si extraoficialmente soubemos que fora resolto ao noso favor. O resultado foi que non recibimos a subvención. Era o que realmente querían.

Pero a cousa non quedou aí tampouco, elaboran o III Plan de Igualdade e “casualmente” a MMM é a única organización que non foi chamada a participar nas mesas de traballo constituídas para a elaboración do Plan.

No ano 2014 solicitamos dúas veces por escrito a través do Rexistro Xeral do Concello e unha vez de palabra no grupo municipal do PP entrevista coa concelleira para falar con ela, e darlle solucións a negación do pintado das siluetas, e tal a súa prepotencia que non se dignou  contestarnos.

Pero no último Consello Sectorial , a unhas preguntas da compañeira da Marcha que asistía a ese Consello, a Concelleira reafirmou a súa negativa a reunirse nunca máis coa MMM coa escusa de que na única reunión que tivera con nos debido ao tema das siluetas sentírase insultada por unha das nosas compañeiras, que efectivamente lle dixo que demostraba moi pouca sensibilidade co tema da violencia machista. A Concelleira-delegada botouna da reunión, por suposto as catro compañeiras que alí estabamos abandonamos esa reunión polo inxusto da expulsión da compañeira. Facerse a ofendida foi a única saída que ela atopou á reunión que estabamos a manter.

Que tipo de política é Verónica Casal?? Qué tipo de políticas de Igualdade pretende levar adiante sen atender ás propostas e incluso ás críticas da cidadanía??? Qué tipo de demócrata é Verónica Casal e o Goberno que a mantén no seu posto?

A CL da MMM pide a dimisión da Concelleira-delegada de Igualdade Verónica Casal pola insensibilidade cara os temas da súa concellería, por antidemócrata e por prepotente.
--
MULLERES EN MARCHA ATA QUE TODAS SEXAMOS LIBRES!!!

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info
https://www.facebook.com/marchamundialmulleres.galiza
twitter.com/MMMGaliza

Enviado por:
Marcha Mundial Ferrolterra
-mmmferrolterra@gmail.com-
12 de março de 2015 20:50
_________________

Foto da Concelleira de Igualdade e Xuventude, Verónica Casal Míguez, nunha rolda de prensa en Xullo de 2014 | Arquivo da web do Concello de Ferrol.
____________________________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon