quinta-feira, dezembro 03, 2015

Aprobados por unha moi ampla maioría, o Programa Electoral e o Código Ético de "Nós - Candidatura Galega" - Programa, Trinta Medidas, Código Ético e Candidaturas


Aprobados por unha moi ampla maioría, o Programa Electoral e o Código Ético de Nós - Candidatura Galega


Foron aprobados por unha moi ampla maioría, o Programa Electoral e o Código Ético de Nós - Candidatura Galega. Xunto ás candidaturas, "con este programa e este código ético colaborativos, feitos a man, entre todas e todos, non podemos ficar nos gústames, no rechíos ou na visión dos vídeos xa virais" din desde a candidatura galega.

Un chamamento ao apoio e ao compromiso, manifestando "Saiamos fóra, fagámonos voluntarias, poñamos o noso grao de area, a nosa forza, o noso sonriso, a nosa ilusión, a nosa enerxía no proxecto de todas as que queremos exercer de galegas, sermos galegos non só de nacemento, de dereito, senón de lei, de compromiso".

Lanzan tres formulacións, para activar as bases da esquerda nacionalista e ao activismo galego, para que colaboren na candidatura de base cidadá:
"NÓS CANDIDATURA GALEGA non pedirá un só crédito bancario, mais precisa das achegas de todas nós. Aquí está o peto das nosas achegas: http://noscandidaturagalega.gal/achega-economica/.

NÓS CANDIDATURA GALEGA precisa de todas as mans para que o 'feito coas nosas mans' sexa o máis colectivo e plural posíbel. Aquí podes apuntarte para ser unha máis: http://noscandidaturagalega.gal/faite-voluntari/.

SEXAMOS REDEIRAS DUN MUNDO MELLOR. Nas rúas e nas redes; precisámonos activas. Botemos a man ao móbil, ao rato ou ao que faga falta para que Galiza sexa viral. Fagamos campaña na rede: http://noscandidaturagalega.gal/fai-campana/
".
Rematan o seu chamamento cun "Grazas a todas e todos polo traballo en común feito en todo o camiño que levamos feito xuntas. Desde o Día da Patria aos maiores procesos de participación política dunha candidatura de base nacional, plural, aberta; pasando polo Banquete de Conxo e a creación da Iniciativa Pola Unión. Fixemos moito, mais podemos facer aínda moito máis".

"Agora é o treito final do camiño. Catro semanas nas que todo depende de Nós. De NÓS CANDIDATURA GALEGA".

Candidaturas: Congreso | Senado.

Programa Electotral: Acceder/Baixar | Ir a Web.

Trinta Medidas para unha Galiza con futuro: Acceder/Baixar | Ir á Web.

Código Ético: Ir á Web.

Resultado das votacións on line do programa electoral e o código ético de Nós - Candidatura Galega | Acceder .

Pode-se seguir a información sobre Nós - Candidatura Galega que de aquí até a celebración das Eleccións Xerais do 20D se publique, na súa web así como nas redes sociais:

WEB  |  TWITTER  |  FACEBOOK  | YOUTUBE

Información baseada na enviada por:
Iniciativa Pola Unión
-primarias@polaunion.gal-
28 de novembro de 2015 19:04

__________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon