Livros, futebol, exposiçons, música, gastronomia e contos para crianças é a ementa de atividades para este mês de primavera.
A programaçom começa no próximo sábado, 2 de abril, com aapresentaçom do livro "Las brujas de la noche" da autoria do jornalista, politólogo e escritor Alberto Cruz.
"Las brujas de la noche" é um apaixonado percurso pola história da Uniom Soviética através de um surpreendente regimento de mulheres pilotos de guerra. Da mao da vida quotidiana das duzentas sessenta e três mulheres do 46 Regimiento "Taman" e de sua progressiva incorporaçom às mais duras e arriscadas tarefas militares, percorre-se a desoladora invasom nazi, que penetra até Stalingrado, e em frente à qual o Exército Soviético oferece umha vontade férrea de resistência, até a última casa, até a última bala, até o último morto, mas sem poder deter a ofensiva alemá.
O ato dará início às 20.00hs.
No mesmo sábado, às 22.05 projetaremos em ecrám gigante o dérbi galego que jogarám o Celta de Vigo e o Desportivo da Corunha.
Já na sexta-feira, 8 de abril, às 20.00hs, José Alberte Corral Iglesias apresentará na Fundaçom Artábria o seu último trabalho: o livro de relatos "A pena do vigia".
15 de abril, inauguraremos a exposiçom de imagens "25 de abril: sempre!". Umha série de fotografias que trarám a Revoluçom dos Cravos ao nosso Centro Social.
Sábado 16 de abril, chega a primeira cita musical do mês com um concerto de Thrash Metal com os grupos da comarca Sacrament (de Ferrol) e Raze (das Pontes). A entrada é de graça e o concerto começa às 22.30hs.
Na sexta-feira, 22 de abril, haverá contacontos para crianças da mao de Helga Méndez e a sua "Palabra de sombreiro". A entrada é livre e o início está marcado para as 19.00hs.
No dia 23 de abril, chega a já tradicional ceia comemorativa do "25 de abril" organizada mais um ano junto a Associação Cultural O Beco da Língua.
A ementa constará de entradas várias, arroz caldoso, vinho minhoto e sobremesa. Terá um custo de 15 euros, 12 euros para sóci@s da Fundaçom Artábria e do Beco da Língua.
Após a ceia, aproximadamente às 23.30h, e com entrada livre, Eugenia Sanmartim e Sergio Galego trarám músicas do Brasil e outras terras para fechar esta jornada lusófona.
29 de abril, sexta-feira, decorrerá a apresentaçom da nova ediçom galega da obra de V.I. Lenine "O Imperialismo, fase superior do capitalismo" publicada polo Diário Liberdade coincidindo com o 1º Centenário da sua elaboraçom.
A apresentaçom será a cargo do historiador Carlos Velasco e de Maurício Castro, do Coletivo Editor do Diário Liberdade.
Fechamos o mês de abril com música. Será no sábado 30 às 23hs, quando os locais Weather Underground apresentem o seu primeiro disco. A entrada é de graça.
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
....
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
31 de março de 2016 17:14
_____________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon