quinta-feira, maio 12, 2016

O 15M imos tod@s á Praza - Concentración e asemblea ás 12 do mediodía no Cantón de Ferrol, este domingo 15 de Maio


15M TOD@S Á PRAZA

Este domingo, 15 de Maio, ás 12 do mediodía, en Ferrol, no Cantón, nas inmediacións do Palco da Música. Non faltes ! Participa !

Como en moitas cidades de Europa e doutras partes do mundo, na Galiza mobilízamo-nos este 15M.

Nas sete cidades, van ter lugar concentración nas prazas. E en Ferrol tamén o imos facer, non só en apoio da convocatoria do 28M na que entraremos nas históricas murallas romanas de Lugo, patrimonio da humanidade, para conformar "Unha Muralla de Dignidade", senón que tamén nos mobilizaremos como en toda Europa na acción internacional #GlobalDebout promovida pola #Nuitdebout (Noite en Pé).
  • Ferrol no mapa mundial da accións locais na #GlobalDebout | Acceder.
  • Ferrol na wiki do evento mundial |  Acceder.
Estaremos no 5º aniversario do movemento 15M, quentando motores para construír "Unha Muralla de Dignidade", o sábado 28M en Lugo.

E non faltaremos á Acción Mundial, dende París até Hong Kong, pasando por Galiza e Ferrol, polos dereitos das persoas, dos pobos... e en defensa do medio ambiente; contra a Troika e as súas políticas austericidas que nos condenan ao paro e ao empobrecemento, contra o latrocinio das grandes corporacións transnacionais, contra o cambio climático... Un outro mundo é posíbel e necesario.

En Ferrol, convocamos á #GlobalDebout desde as Marchas da Dignidade de Ferrolterra (Integrante da Columna Galega das Marchas da Dignidade).
Acción local na mobilización #GlobalDebout
  1. Presentación da Xornada.
  2. Paneis de ideas, denuncias e propostas.
  3. Intervención dos distintos colectivos participantes. Até o de agora:
    • Marchas da Dignidade Ferrolterra.
    • Foro Galego de Inmigración de Ferrolterra.
    • STOP Desafiuzamentos da Rede de Apoio Mutuo.
    • A.C. Fuco Buxán.
  4. Asemblea aberta: debate e recollida de propostas para cambiar a situación actual.
  5. Actuación musical: Manolo Bacallao, ...
Domingo, 15 de Maio, ás 12 do mediodía, en Ferrol, no Cantón, nas inmediacións do Palco da Música.

Evento no Facebook:
https://www.facebook.com/events/527124170807967/

Pan, Traballo e Teito !
Á rúa que xa é hora!
Marchas da Dignidade Ferrolterra
Contacto:
Correo-e: marchasdadignidadeferrolterra@gmail.com  |
Teléfono: 602 587 531 |
Blogue de FerrolTerra: http://marchas-da-dignidade-ferrolterra.blogspot.com.es/ |
Blogue Galego:http://marchasdadignidade.blogspot.com/ |
Web Estatal:http://marchasdeladignidad.org/ |
Blogue do Plan Comarcal de Choque contra o Paro, polo Emprego e a Renda Básica:
http://asmarchaspoloemprego.blogspot.com.es/
_______________________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon