quarta-feira, junho 08, 2016

Mércores 8 de Xuño no Ateneo Ferrolán, Esquerda Unida organiza un acto homenaxe a Berta Cáceres: resistencia á privatización da vida - “Non podemos despegarnos da esperanza”

“Non podemos despegarnos da esperanza”
Esquerda Unida organiza un acto sobre Berta Cáceres: resistencia á privatización da vida

Acto que Esquerda Unida Ferrol vai celebrar o mércores 8 de xuño ás 19:30 no Ateneo Ferrolán.

Dende Esquerda Unida Ferrol queremos homenaxear e reinvindicar a Berta Cáceres, activista hondureña asasinada o 2 de Marzo deste ano por motivos políticos. A nosa intención con este acto é achegar a toda a cidadanía a figura e a mensaxe de Berta Cáceres, darlle a relevancia e importancia política que realmente ten pois a súa loita era global, era en defensa de toda a humanidade. Berta foi e é un exemplo de coherencia e de activismo, soubo conxugar o feminismo, o anticolonialismo, o antimilitarismo e a protección ambiental nunha loita común.

Os ponentes deste acto son persoas que coñeceron de primeira man a loita de Berta Cáceres, Mauricio Santos e Hugo Hernández son hondureños e colaboraron coa resistencia tralo golpe de Estado en Honduras contra o goberno de Manuel Zelaya e Xavi Lombardero era cooperante internacional en Honduras durante aquel momento. Pero ademais destas exposicións, imos contar coa proxección dun vídeo onde destacadas figuras hondureñas (Manuel Zelaya, Katia Lara, membros do COPINH, feministas) nos falarán de Berta, tanto dende o aspecto político como persoal.

Esquerda Unida de Ferrol
R/ do Sol 124 Entrechán Esquerda

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html


Enviado por:

Ferrol Esquerda Unida
-eu-ferrolterra@esquerdaunida.org-
31 de maio de 2016 09:51
____________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon