Indignación na rúa pola sentenza da vergoña, pedindo a inhabilitación dos maxistrados - En Ferrol como en toda Galiza e no resto do Estado, este 26 de abril, centos de persoas mobilizaron-se contra a xustiza machista que volve golpear nos dereitos das mulleres - Vídeos e Fotos

Porque non hai xustiza posíbel nunha sociedade machista, centos de persoas saíron ás rúas en Ferrol, como en toda Galiza e no resto das nacións e territorios do Estado, nunha mobilización de protesta, diante do edificio dos Xulgados, onde quedaron as rúas cortadas, para unha vez leido un comunicado da Marcha Mundial das Mulleres, partiu unha manifestación que se achegou até a Praza de Armas, diante da Casa do Concello, onde se estaba celebrando o Pleno Ordinario de final de mes que quedou paralizado, mentres o Alcalde, concelleiras e concelleiros dos grupos do BNG, Ferrol en Común, PSOE e concelleiras non adscritas baixaron á Praza para sumar-se á mobilización. Mentres os concelleiros e concelleiras do grupo do Partido Popular e a de Ciudadanos quedaban na sala de Plenos, acatando a infame sentenza. Na mobilización tamén participou a Alcaldesa de Narón, Marián Ferreiro.

A continuación presentamos os vídeos da mobilización desta tarde, do 26 de abril de 2018, contra a xustiza machista que volveu golpear nos dereitos das mulleres, unha acción que amosou a súa indignación na rúa pola sentenza da vergoña, pedindo a inhabilitación dos maxistrados da Audiencia de Navarra que xulgaron o caso chamado de "La Manada" que cualificaron a brutal violación colectiva de "abusos sexuais". En toda Galiza e no resto do Estado tiveron lugar mobilizacións similares á producida en Ferrol.


https://youtu.be/7Y-tUutuY2o

https://youtu.be/pt6b8r3WeqU

https://youtu.be/zb6PnytoOjY

https://youtu.be/YRyzaizjT1c

https://youtu.be/Kp2DBQbEapU

#querémonosvivas #feminismoparavivir #machismomata #nenunhamenos #xustizamachista

Para poñer-se en contacto coa Marcha Mundial das Mulleres na Comarca:

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info
https://www.facebook.com/marchamundialmulleres.galiza
twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.
_________________

Documentación:

Texto integro da Sentenza 00038/2018 da sección Segunda da Audiencia Provincial de Navarra. | Procedemento sumario ordinario 0001670/2016 - 00 Xdo. Instrución Nº 4 de Pamplona/Iruña | Proc.: PROCEDEMENTO SUMARIO ORDINARIO Nº: 0000426/2016 | 371 páxinas en formato pdf. | Acceder/Baixar.
______________
_________________________