O músico Brais Morán apresenta esta sexta-feira, 4 de maio, às 22.30hs, e com entrada de graça o seu último trabalho "No mato do desespero". Album que é umha dupla homenagem. Por um lado ao poeta moçambicano José Craveirinha e por umha oura, seguindo a mesma linha, ao grande músico Frán Pérez Narf (infelizmente desaparecido já vai mais dum ano), quem tempo atrás tinha musicado o seu poema "Quero ser tambor".
As influências de Brais Morán som muitas e variadas, questom que se fai especialmente evidente neste trabalho: "O citado Narf, tanto na maneira de entender a música e no que el me sugeria na vida. Muito presente está sempre o mundo brasileiro que sempre me acompanhou no geito de abordar os guinhos a Lenine, Toquinho, ou a pegada africana que está tam viva na admiraçom por Dobet Gnahoré ou Salif Keita"
A "banda do desespero" completa-a junto a Fram Sanz no baixo (e que também se encarregou da produçom), Manu Seoane nas guitarras e Marcos Pazo na bateria.
Ademais, no disco contou com as colaboraçons de Patri Gamallo, as Tanxugueiras e Ugia Pedreira.
mais info em: www.braismoran.gal
Brais Morán apresenta esta sexta-feira "No mato do desespero"
Ataque Escampe + Oh Ayatollah
Sábado 5 às 22.30hs. Entrada de graça
Ataque Escampe som, sen lugar a dúbidas, um dos melhores grupos de pop do nosso país. Subirám ao cenário da Fundaçom Artábria para apresentar "Primeiros bicos". No caminho que eles seguirom, adoptarom há nom muito aos oh! Ayatollah, que apresentam o seu "Volve a canción protesta".
Cita para nom perder!
https://ataqueescampe.bandcamp.com/album/primeiros-bicos
https://ohayatollah.bandcamp.com/a…/volve-a-canci-n-protesta
Este domingo vamos a Canido a fazer o nosso maio!
Este domingo 6 de maio a partir das 11.10h voltamos à praça da Tafona, no popular bairro de Canido, para festejar a despedida do Inverno e a chegada da Primavera com a apariçom das primeiras flores e frutos elaborando os Maios. Cobriremos a nossa estrutura , seguindo a tradiçom da na nossa comarca, com fiuncho, laranjas, flores...
Mas o dia antes, sábado 5, combinamos no Centro Social para ir apanhar flores (981 35 29 86).
Também Podes trazer o próprio domingo as túas flores, verde e frutas para ajudar a enfeitá-lo. Esperamos-te!
Cúbre-te de verde e canta
Fiuncho, carriza, laranjas, ovos, milho, flores, carqueixas, urces, carrabouxos e muita imaginaçom. Estes som os principais ingredientes dos "Maios", as construçons vegetais que a primeiros de Maio enchem as praças de toda Galiza para arredar de pestes, virus e males as colheitas. E, de passo, fazernos rir coas suas coplas.
A primeiros de maio a vegetaçom sae à rua em forma de "maio", umha construçom de diferentes formas feita com elementos vegetais em funçom da zona na que se elabora e que pode ser enxebre ou artístico. Os "maios" gestáronse para invocar o crecemento das plantas cultivadas e para protegelas de possíveis ameazas naturais, coma os ratos, toupas... ou os sobrenaturais, as sempre temidas meigas que cos seus poderes podem botar um "mal de olho" à colheita.
A Festa dos Maios tem a sua origem na prehistória quando os primeros habitantes preguntabam-se sobre essa força renovadora que cada ano, trás a época das chuvias e o frio fazia brotar a semente e revestia os campos de moitas cores.
---
A morte do inverno
está sentenciada
fugírom as neves,
morreu a geada,
Parárom as choivas
já tempo lhes era !
pois fartas de água
estavam as terras.
Borrarom-se as néboas,
O ceio está claro...
axota a perguiza,
desperta-te Maio!,
Estende as orelhas,
escoita os falares
de velhos e velhas
em feiras e bares.
---
Levamta-te Maio
que tanto dormiches,
passou o inverno
e nom o sentiches.
O maio maiado,
o maio do sol,
o maio das flores,
o maio do amor.
E venhem os maios
um ano tras outro
e as árvores todas
cheínhas de froito.
Ehi vem o Maio
Mainho é
Ehi vem o Maio
Coa festa em pé.
---
Para fazer os Maios
temos que colher
um feixe de flores
e algo que dizer.
Para fazer o Maio
tivemos que roubar
flores e fiunchos
na horta do S.Blas.
Para fazer o Maio
tivemos que roubar
flores e fiunchos
na beira do mar.
Traemos fiunchos
ovos e mais flores
para este Maio
ter mil amores.
---
Maio romeiro
bicou as campinhas
i en cada bicada
naceron florinhas.
Perfume de flores
pregom da gram festa
cançom que nos fala
da Nai Primavera.
Quando o papo seca
hai-no que molhar
cum grolo de vinho
e volver a cantar.
Já chegou o Maio
florido e galám
chegou tra-lo inverno
e antes do verám.
(Texto tirado do Blogue do Colectivo Sociocultural "A Revolta de Trasancos)
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
....
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
2 de maio de 2018 13:03
2 de maio de 2018 17:05
2 de maio de 2018 17:11
______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon