Despois do linchamento mediático da eurodeputada Lídia Senra auspiciado principalmente por "La Voz de Galicia" por unha polémica que xa fora abordada en campaña similar, en meses atrás, sobre vacinas, tirando interesadamente do contesto, a polémica da "Xornada sobre Muller e Saúde" que estaba previsto se celebrara no centro municipal "O Marco", a equipa da eurodeputada decide trasladar a realización da xornada no mesmo Vigo no "Café de Catro a Catro". Con antelación a oficina de Lídia Senra emitiu un comunicado que transcribimos na nota do rodapé [1].
O Café de Catro a Catro acollerá as xornadas sobre saúde das mulleres que van ter lugar o vindeiro sábado 15 en Vigo a partir das 11:00h. | Esta xornada, de asistencia aberta e gratuíta, abordará a necesidade de transversalizar a perspectiva de xénero no ámbito da saúde.
A xornada “Mulleres e Saúde” (PROGRAMA) prevista para este sábado día 15 en Vigo terá lugar no Café de Catro a Catro, na Rúa de Girona Nº16.
Trátase dunha xornada aberta, dirixida a todas as persoas interesadas en abordar claves de análise que permitan avanzar na transversalización da perspectiva de xénero no ámbito da saúde.
Comezará ás 11:00 horas coa apertura da mesma a cargo da propia Lídia Senra. A continuación desenvolverase un coloquio titulado “O tratamento médico das mulleres” no que participará a presidenta da Asociación Galega para a Defensa da Sanidade Pública, María Luisa Lores, que ten estudada a medicalización e a calidade de vida das mulleres galegas; e Carmiña Mosqueira, que traballou como epidemióloga da Consellería de Sanidade de Asturias e actualmente está xubilada e ten estudado o cribado de cancro de mama por mamografía.
A partir das 13:00 horas, Alicia Capilla, presidenta da Asociación de Afectadas pola Vacina do Papiloma Humano (AAVP), exporá a experiencia das mulleres vacinadas organizadas nesta asociación. A activista da Marcha Mundial das Mulleres María Montenegro, encargarase de presentar a charla e de moderar o debate posterior.
Ás 14.00hrs. proporcionaranse declaracións aos medios de comunicación no mesmo lugar da xornada.
Xa pola tarde, a partir das 17:00 horas, terá lugar o coloquio titulado “A violencia obstétrica, unha realidade que hai que sacar á luz para tecer sororidade”. Nel intervirán Elena Gil Rodríguez, experta na situación actual de atención ao embarazo, parto e saúde das mulleres, co-coordinadora galega de O Parto é Noso e responsable do grupo de Vigo; e Iria Pinheiro, nai, actriz e protagonista de ‘Anatomía dunha serea’ de Chévere Berberecheira. A xinecóloga Isabel Blanco será a moderadora.
A asistencia á xornada é aberta e gratuíta, podendo participar todas as persoas interesadas nos coloquios que consideren.
Bruxelas, 13 de Decembro, de 2018.
___
Nota.-
[1] Ao respecto da cancelación da xornada “Mulleres e Saúde” por parte do Concello de Vigo queremos trasladar as seguintes consideracións:
-Ás 13.21h do día de hoxe o MARCO comunicou á oficina da eurodeputada Lídia Senra a suspensión da xornada “Mulleres e Saúde”.
-Consideramos que o feito de que as presións exercidas por un medio de comunicación sobre un Concello deriven en que este obrigue a un museo a cancelar unha xornada informativa sobre saúde e mulleres constitúe unha grave vulneración do dereito á liberdade de expresión impropia dunha democracia.
-É falso que a xornada “Mulleres e Saúde” sexa unha xornada antivacinas. Como indica o seu título, é unha xornada centrada en analizar aspectos referidos especificamente ca saúde das mulleres. María Luísa Lores e Carmiña Mosqueira foron convidadas para falar sobre o tratamento das mulleres; Alicia Capilla para falar da Vacina do Virus do Papiloma Humano e Elena Gil e Iria Piñeiro da violencia obstétrica.
-Alicia Capilla é unha nai que vacinou á súa filla ca vacina do papiloma. Resulta obvio, polo tanto, que non é unha persoa que estea en contra das vacinas. Foi convidada para explicar a súa experiencia ao respecto.
-A vacina do papiloma só se aplica a mulleres. Ese é o motivo polo cal a palestra foi incluída na xornada “Mulleres e saúde”.
-A saúde é a cuestión máis importante que existe na vida das persoas. Ese foi o motivo polo que no ano 2016 realizamos as xornadas “A privatización da sanidade na UE” e este ano a xornada “Mulleres e saúde”.
Moitas grazas pola vosa atención.
Non imos realizar máis valoracións no día de hoxe. A partir de mañá ficamos á vosa disposición.
Bruxelas, 13 de Decembro de 2018
SENRA RODRÍGUEZ Maria Lidia OFFICE
lidia.senra-office@europarl.europa.eu
10 de decembro de 2018 14:12
Enviado por:
SENRA RODRÍGUEZ Maria Lidia OFFICE
-lidia.senra-office@europarl.europa.eu-
13 de dezembro de 2018 11:28
__________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon