Xurxo Souto apresenta o seu último livro "A gran travesía de Chiruca Macalláns" esta sexta-feira 14
Sexta-feira 14 de dezembro às 20.30hs. Xurxo Souto apresenta o seu livro "A gran travesía de Chiruca Macalláns" editado por Xerais. Junto a el estará Emilio Romero.
Reproduzimos a mensagem de Xurxo Souto para anunciar a apresentaçom
En lembranza e homenaxe de Milín de Curuxeiras.
VIVA A VIRXE PARROCHEIRA !
En Ferrol Vello ( ou Ferrolzarra como din en Terranova), a igrexa do Socorro, xusto enriba da dársena de Curuxeiras, garda a virxe da Parrocheira. O nome procede das vendedoras do peixe, moi devotas desta imaxe, que durante moito tempo foron responsables do seu adobío.
Cun respecto absoluto cara as crenzas de cada quen, pode haber epíteto máis propio para referise á Virxe? Ademais do xogo de polisemias que a palabra parrocha permite en galego – e que resalta e pondera o principio feminino-, a identificación da Virxe coa fecundidade do mar resulta sinxelamente marabillosa. A secuencia de connotacións positivas non che ten couto: Un alimento humilde que ascende á categoría de celestial. Apólogo e homenaxe ás mulleres obreiras, traballadoras do mar, parrocheiras de Curuxeiras.
Se pasas por Ferrol Vello, aínda que non sexa o día da festa, honra –terrícola- este ritual.
Primeiro cómpre catar no Anca unhas linguas de bacallau. Deseguido, calidade suprema en peixe fritido, por suposto, parrochas no Coral.
E xa pola tardiña -cunca en alto- enche de vento para corazón e berra ben forte: Vivan as cousas bonitas ! Viva o mar de Ferrol ! Viva a virxe Parrocheira !
(Xurxo Souto, “Contos do Mar de Irlanda”)
E depois, Artábria: festa en Esteiro ! Con Emilio Romero, fillo de Milín de Curuxeiras (Galiza/Terranova), sabio maior de Ferrol Vello !
Tanxugueiras este sábado 15 na Fundaçom Artábria e depois foliada!
Sábado 15 às 22.00hs chegam à Fundaçom Artábria as Tanxugueiras. Olaia, Sabela e Aida formam este grupo de cantareiras, formado odicialmente em janeiro de 2016. O pracer de cantar e tocar a nossa música do nosso país e de recolher a tradiçom oral das avôs é o que lhes motiva dia a dia para levar avante este projeto musical que golpea com força no panorama musical galego.O nome deriva dum pequeno terreno de Fumaces, na montanha Ourensá.
O concerto dará início às 22.00hs e a entrada é de graça, posteriormente haverá foliada, assim que animade-vos a trazer o vosso instrumento e ganhas de bailare.
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
13 de dezembro de 2018 16:52
13 de dezembro de 2018 16:41
__________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon