Asemblea Aberta en Solidariedade co Pobo Venezolano e contra a inxerencia imperialista: Autoconvocatoria para hoxe mércores 30 de xaneiro, ás 7 da tarde, no Ateneo Ferrolán

En réxime de Autoconvocatoria, está convocada unha Asemblea Aberta para hoxe mércores 30 de xaneiro, ás 7 da tarde, no Ateneo Ferrolán.

Onte, recebemos unha proposta de autoconvocatoria, das compañeiras e compañeiros de Fuco Buxán, diante da situación en Venezuela, onde está en marcha un golpe de estado, organizado polo goberno estadounidense e a oligarquía venezolana, despois de anos de acoso político e económico imperialista até conseguir a case extenuación do pobo venezolano.

Debe chamar-nos a atención a rapidez coa que a deita española racionou en apoio ao intento de golpe de estado PP, Ciudadanos, Vox,... e mesmo como non Felipe González, ... E outro dato de interese analítico, para incrédulos foi a rapidez coa que Donald Trump recoñeceu ao autoproclamado Juan Gaidó, e os case simultáneo apoios por parte dos gobernos satélites do imperialismo usamericano e o goberno neoliberal de Canada, o que amosa que estamos ante un plan deseñado pola administración norteamericana, proba diso foi o chamamento previo do vice-presidente, Mike Pence, a manifestarse até rematar co goberno de Nicolás Maduro.

"Venezuela ten problemas moi graves. Ao seu pobo creáronlle todos os problemas do mundo as clases oligárquicas que dominaron ese país durante moitos anos", din desde Fuco no seu escrito de proposta.

"Hoxe atópanse diante dunha nova  ameaza de golpe de estado para defender os intereses e os privilexios desas mesmas clases e baixo a dirección do intervencionismo histórico dos USA e coa axuda dos seus peóns, na procura de cambiar a vontade da maioría do pobo venezolano", continua manifestando no seu escrito.

Mesmo no Consello de Seguridade da ONU, na súa sesión extraordinaria (8452nd), do pasado sábado 26 de xaneiro, promovida por Estados Unidos, foi rexeitada unha proposta que pretendía o respaldo ao golpe de estado e o recoñecemento do autoproclamado presidente Juán Guaidó. (O monicreque usurpador).

Estamos vivindo unha situación onde xoga un papel fundamental os medios de comunicación, as novas circulan a grande velocidade e a manipulación informativa, con ocultacións d feitos e propagando a mensaxe ditada polos poderes do imperio que impoñen vontades e xustifican o intervencionismo pola grave situación socioeconómica provocada por anos de intervencionismo na vida do pobo venezolano, impoñendo sancións, bloqueando a súa economía e incautando as súas divisas depositadas no exterior ou produto de transaccións económicas, ... e mesmo interferindo nas redes sociais na propagación de falsas noticias... e unha longa Lista de inxerencias que o imperialismo non deixou de facer na última década contra o país caribeño.

"O pobo venezolano necesita toda a solidariedade e toda a axuda posíbel dos que non estamos nin xordos nin cegos e sabemos ben das agresións e rapinas que padeceu e padece toda Sudamérica e outros moitos pobos do mundo". Din no0 seu escrito desde Fuco Buxán.

Para rematar fan a proposta de autoconvocatoria en Asemblea Aberta: "Para tratar este importante asunto e mesmo ver de organizar en Ferrol unha mobilización de denuncia e solidariedade co pobo venezolano, así como outras iniciativas que poidan formular-se, vos propoñemos a celebración duna xuntanza aberta e en réxime de autoconvocatoria, par o MÉRCORES DÍA 30 XANEIRO ás 19:00 hrs. no ATENEO FERROLÁN".

---

Nova relacionada en Ártabra 21:

Unha sesión de urxencia do Consello de Seguridade da ONU revelou unha clara división sobre as posíbeis solucións á crise en Venezuela - Foi rexeitada a proposta do goberno de Estados Unidos que pretendía dar-lle lexitimidade ao intento de golpe de estado - Vídeo da sesión con todas as intervencións. | Ir á Web.
_____