O TACGal aprecia invalidez nos pregos da licitación do servizo de Limpeza viaria e Recollida de lixo do Concello de Narón.
O Tribunal Administrativo de Contratación Pública da Comunidade Autónoma De Galicia (TACGal) estimou parcialmente dous dos recursos especiais en materia de contratación, interpostos por o concelleiro Marcos López Balado do PP e polo concelleiro Alfonso Casal Pita de Eliximos Narón, contra os pregos da licitación do servizo de recollida de residuos sólidos urbanos e limpeza viaria de Narón
O TACGal adoptou o pasado 9 de maio, como medida cautelar, a suspensión da contratación do servizo, suspensión que non interrompeu o prazo de presentación de ofertas, como se recolle na páxina da Plataforma de Contratación do Sector Público:
Servizo de recollida de residuos sólidos urbanos e limpeza viaria do Concello de Narón. | Acceder á Plataforma de Contratación .
O primeiro recurso argumenta (entre outras cousas) que a fórmula recollida no Prego de Cláusulas Administrativas Particulares para a revisión de prezos do contrato incumpre el Real Decreto 55/2017 de desindexación da economía española porque vincula a revisión dos gastos de persoal ao “Convenio colectivo do centro de traballo da sociedade Urbaser S.A.”, argumentando o recorrente que “de no resultar Urbaser la contratista, la fórmula de revisión de precios en su parámetro salarial quedaría sin referencia”.
O tribunal indica que:
En todo caso, o certo é que o propio informe do Concello sinala que “en calquera caso, o convenio colectivo aplicable sería, loxicamente, o de empresa subscrito pola entidade adxudicataria do contrato”, argumento que contradí a literalidade do prego e que fundamenta xa a súa anulación, por incumprir o deber de transparencia necesario en toda licitación pública.
Mentres o segundo recurso impugna tamén a cláusula de revisión do canon do contrato (entre outras cousas) por non cumprir o Concello coa tramitación esixida, pois non consta no expediente o preceptivo informe valorativo da estrutura de custos, que nin se solicitou, que non se elaborou unha proposta de dita estrutura e, en consecuencia, tampouco se cumpriu co necesario trámite de información pública. O Tribunal da a razón ao noso concelleiro indicando:
En consecuencia, só podemos concluír que non consta no expediente remitido a este Tribunal que se dese cumprimento ao esixido no artigo 9.7 do RD 55/2017. Así, non consta o preceptivo informe a efectuar, nesta Comunidade Autónoma, pola Xunta Consultiva de contratación administrativa de Galicia, o cal determina xa de por si a anulación da cláusula impugnada.
No mesmo sentido anulatorio da licitación pola falta do preceptivo informe esixido no artigo 9.7 do RD 55/2017, a Resolución 176/2017 do Tribunal de Recursos Contractuais da Xunta de Andalucía e a nosa anterior 88/2019 deste TACGal.
Ademais, tampouco se pode dar por cumprido o obrigado trámite de información pública da estrutura de custos previsto no mesmo artigo, posto que o proceso de alegacións e suxestións referido no informe do órgano, como aí se indica, unicamente incorporou os pregos e o acordo plenario de 3 de setembro de 2018.
RESOLUCIÓN DO TRIBUNAL ADMINISTRATIVO DE CONTRATACIÓN PÚBLICA DA COMUNIDADE AUTÓNOMA DE GALICIA.| Resolución nº 118/2019 | Acceder/Baixar.
(Recortes Cero – Grupo Verde)
673141822 - eliximos@gmail.com
Narón, moito por facer
...fagámolo, xuntos podemos.
Web | Twitter | Facebook
Enviado por:
ENE Eliximos Narón Electores
-eliximos@gmail.com-
29 de maio de 2019 08:15
_______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon