Homenaxe aos represaliados de Cedeira en Ferrol, este mércores 18 de decembro realizaremos unha sinxela homenaxe e ofrenda floral, que comezará ás 10 da mañá fronte ao Instituto de Canido (Antigo Cemiterio de Ferrol) para percorrer posteriormente, por medios propios, o Castelo de San Felipe e o Cemiterio de Serantes

Homenaxe aos represaliados de Cedeira en Ferrol
mércores 18 de decembro de 2019

O 18 de Decembro de 1936, no Castelo de San Felipe foron executados 13 veciños de Cedeira e un de Cabanas, condenados pola súa defensa dos principios democráticos e de progreso e por negarse a secundar un golpe militar contra o gobernó republicano legalmente elexido por vontade popular.

O mércores 18 de decembro a Asociación Cultural Memoria Histórica Democrática coa veciñanza de Cedeira e Ferrol que desexe sumarse, conmemorando o 83 aniversario deste triste suceso, realizaremos unha sinxela homenaxe e ofrenda floral, que comezará ás 10 da mañá fronte ao Instituto de Canido (Antigo Cemiterio de Ferrol) para percorrer posteriormente, por medios propios, o Castelo de San Felipe e o Cemiterio de Serantes.

Serán lembrados neste acto, ademais dos cedeireses fusilados en San Felipe e soterrados en Serantes, os paseados en Canido e alí sepultados.

San Felipe 18.12.1936

(Condenados a morte “por rebelión militar”, na causa 296/36, en Consello de Guerra celebrado no Cuartel de Zapadores o 4.12.1936)

➤ Enrique Alonso Teijeiro

Ferrol, 1913. Mestre. Solteiro.

➤ Adolfo Bouzón Teijeiro, “O Noia”

Cedeira, 1908. Mariñeiro. Casado. 3 fillos.

➤ Antonio Castillo Domínguez

Monesterio (Badajoz), 1896. Veterinario. Viuvo. 2 fillos.

➤ José Cipriano Durán Fraguela

Cervo, 1907. Labrego. Casado. 1 fillo.  2º Tte. Alcalde.

➤ Manuel Fernández Freijeiro

Pontedeume, 1876. Militar, retirado, do Corpo de Intendencia. Casado. 8 Fillos.

Alcalde de Cedeira.

➤ Ginés Fernández Rodríguez

Ferrol, 1910. Solteiro. Estudante e Deportista. Fillo do anterior.

➤ Miguel Fernández Santos

Madrid 1905. Funcionario de Correos.

➤ Isaac Forneiro Varandela

Ourense, 1897. Mestre e Empregado do Banco Pastor. Casado.

➤ Antonio Iglesias Freire

Cedeira 1912. Mariñeiro. Solteiro.

➤ José Lago Beceiro

Cedeira 1909. Labrego. Solteiro. Concelleiro.

➤ Enrique Martínez Teijeiro

Narón 1895. Veciño de Cedeira. Conductor de autobús. Casado.

Rufino Redondo Senra

Mera – Ortigueira, 1912. Mestre. Casado. 1 Fillo.

Membro do Comité de Resistencia de Cedeira

➤ Francisco Rodríguez N., “Cascarrón”

Cedeira 1914. Barbeiro e Músico. Casado. 1 fillo.

Xunta eles foi asesinado tamén

➤ Antonio Ameneiro Brage,  natural e veciño de Cabanas, de 57 anos, casado, que fora condenado por rebelión militar en Consello de Guerra celebrado o 5 de Decembro no Cuartel de Zapadores da Porta Nova.

San Felipe, 25.12.1938

(Condenados en Consello de Guerra de 21.12.1938)

➤ Andrés Braña Rodríguez “O Carrizo”

Ferrol 1910. Veciño de Cedeira. Mariñeiro. Casado.

Xunta el foi xulgado e fusilado Manuel Orjales Bouza, de Cerdido. 36 anos, solteiro.

Cemiterio de Canido

Paseados o  25de Agosto de 1936

➤ José Ambrós Gordillo

Alburquerque, 1900. Mestre. Casado

➤ Jesús Lourido Arriví, “O manco de Diamantel”

Cervo – Cedeira 1909. Mariñeiro e Labrador. Casado, 2 fillos.

3º Tte de Alcalde de Cedeira.

➤ Adolfo Rodríguez Yáñez

Cedeira, 1898. Veciño de Cedeira. Funcionario Xudicial.

➤ José Vergara López

Cedeira 1900. Labrego. Casado. 2 fillos. Síndico do Concello de Cedeira.

Sustituíu ao Alcalde por enfermidade o 19.07.1936.

Paseado o 5 ou 6 de Setembro de 1936

➤ Bernardino Díaz García

Cervo 1904. Xornaleiro. Casado. 3 fillos

➤ Xenro de Manuel Díaz García e concuño de Xosé Meixide, paseados  en Riveiras do Sor.

Condenados en Consello de Guerra

e fusilados o 4 de xaneiro de 1942

➤ Modesto Freire Fernández  “O fillo das Pepitas”

Mera (Ortigueira) 1908. Carpinteiro. Solteiro. Veciño de San Román.

➤  Manuel Freire García

Piñeiro-Cedeira 1902. Mariñeiro. Casado.

Asasinado no Cuartel da Garda Civil de Ferrol

o 31 de maio de 1949

➤ Jesús Lago Díaz

Esteiro, Cedeira 1905. Zapateiro. Solteiro.

 --
Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol

Enviado por:
Memoria Histórica Democrática
-memoriahistoricademocratica@gmail.com-
16 de dezembro de 2019 08:45
________