Participa na asemblea aberta do Movemento Galego polo Clima
O vindeiro sábado 11 de xaneiro terá lugar unha asemblea aberta do Movemento Galego polo Clima (MGpC) para quen queira asistir e participar nela. Até o momento xa son máis de 80 colectivos, entre este ADEGA, que asinaron o manifesto do MGpC.
O encontro será ás 16:30h na Casa do Matadoiro de Santiago de Compostela. A orde do día proposta para a asemblea do 11 de xaneiro é a seguinte:
- Valoración das manifestacións do 27-S, do cumio do clima e da manifestación internacional polo clima de Madrid.
- Metodoloxía para elaborar o manifesto 2020 do MGpC
- Encontro nacional do MGpC (tipo de evento, lugar, datas, ...)
- Organización interna do MGpC
- Comunicación externa do MGpC (blogue, redes sociais, ...), divulgación e educación social
- Novas accións do MGpC
- Decálogo de propostas do MGpC ás formación políticas de cara as vindeiras eleccións galegas.
- Suma de máis organizacións adheridas ao MGpC
ADEGA, como colectivo integrante do MGpC, anímavos a participar e achegar ideas para construírmos entre todas unha folla de ruta para este ano 2020.
Úneste a esta andaina colectiva polo planeta?
Agardámoste!!
Ligazóns
Movemento Galego polo Clima
Enviado por:
ADEGA-Ferrolterra
-adegatrasancos@adega.gal-
7 de janeiro de 2020 19:18
___________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon