Tres nacións que frean ao fascismo español e o tardofranquismo. Galiza, Euskadi e Catalunya, ... Por André Abeledo Fernández

Por André Abeledo Fernández [*]
11.08.2020

Tres nacións que frean ao fascismo español e o tardofranquismo. Galiza, Euskadi e Catalunya.

Nas chamadas nacionalidades históricas o tardofranquismo nacionalcatólico de VOX que é o can de guerra do neoliberalismo máis salvaxe non ten cabida, non ten espazo politico, nin o pode ter.

Na Galiza gobernada polo PP de Feijóo, o seu éxito non se basea como equivocadamente pensan en Madrid en ter o PP galego un discurso máis moderado.

Se non en que o PP galego disfrazouse dende fai anos de galeguista, ata utilizou a figura dun independentista como Castelao chegando a dar premios co seu nome.

Na Galiza, si Feijóo utilizase o mesmo discurso centralista e antinacionalista que Casado, negando que Galiza é unha nación e menosprezando abertamente o noso idioma, o PP iria ao carallo como foi VOX.

Esa é unha gran diferencia entre o PP galego, e o PP de Euskadi e Catalunya, saber que tiña que disfrazarse de galego para seguir gañando eleccións.

Ademais na Galiza o independentismo e o nacionalismo són de esquerdas, non existen pardidos de deritas nacionalistas como en Euskadi ou Catalunya.

De calquera xeito a idea da "España, una grande y libre" do Franquismo, o menosprezo e a negación da existencia ao resto das nacións do Estado e dos seus feitos diferenciais, un idioma propio, unha cultura propia, e unha historia propia, xamais terán cabida na Galiza, en Euskadi ou en Catalunya.

Por ese motivo os pobos do Estado español deben sentirse afortunados de que existan estas nacións irredutíbels ante o fascismo. Porque aquí non pasarán.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de Persoal da CIG en Mercadona na Provincia d'A Coruña. | Facebook e Twitter.

Enviado por:
André Abeledo Fernández
-andre1474@gmail.com-
11 de agosto de 2020 01:19
_______