O movemento en defensa das pensións públicas mobiliza-se en Ferrolterra, en toda Galiza e no resto do estado, este sábado 5 de decembro, polas pensións presentes e futuras, non ao Pacto de Toledo, por unha banca pública, ... , ás 12 do mediodía no Cantón de Ferrol

Convocatoria de concentración en Ferrol

O sábado 5 de decembro de 2020, ás 12:00h no Cantón

A Plataforma de Ferrolterra para a Defensa das Pensións Públicas convoca unha concentración na defensa das pensións públicas presentas e futuras este sábado, día 5 de decembro, ás 12 horas no Cantón de Ferrol.

A Concentración convócase contra o Pacto de Toledo, que non recoñece aos pensionistas como interlocutores, nen os admite como integrantes do mesmo, pese a ser a súa función debater e propor medidas relativas ao sistema de pensións públicas, ditando resolucións e propostas que poden transformar radicalmente as vidas deses pensionistas.

Deféndese tamén a necesidade de creación dunha banca pública e uns servizos socias plenamente públicos.

A Plataforma, oponse a un sistema no que se pretende potenciar, desde o ámbito público, os plans de pensións privados, cabalo de Troia, para laminar no medio prazo o sistema público de pensións.

Defende ademais o establecemento dunha pensión mínima que recolla os criterios internacionalmente aprobados para combater a pobreza.

Desde a Plataforma faise especial fincapé en que "goberne quen goberne, as pensións deféndense".

Enviado por:
Plataforma Pensións Públicas Ferrol
-plataf.pensionspublicas.ferrol@gmail.com-
3 de dezembro de 2020 08:17
_______