Por André Abeledo Fernández [*]
25.11.2021
Cando se trata de represión tamén vai por barrios, non é o mesmo no barrio de Salamanca que nunha comarca obreira, non é o mesmo cando sae a pasear a ultradereita, que cando sae a reivindicar os seus dereitos a clase traballadora.
Hoxe temos o exemplo en Cádiz, como tivemos en Ferrolterra, en Vigo, en Sestao, en Gamonal e cada vez que os traballadores saen a defender a súa dignidade, os seus dereitos, o seu presente e o futuro dos seus fillos.
A tanqueta é un simple exemplo de como os poderosos, as oligarquías, ven a clase traballadora como a un inimigo a bater, a dobregar, a escravizar.
Sonche clase traballadora, fillo e neto de traballadores, que mamou dignidade e exemplo de loita consecuente cando a mal chamada reconversión destruíu o presente e o futuro de toda unha comarca en Ferrolterra.
A folga, a protesta, a loita son as únicas armas das traballadoras e traballadores para enfrontarse a quen pretenden tratarnos como a seres inferiores, como a simple man de obra, como a cousas.
Os traballadores temos dereito a vivir para vivir, a ter familia, a ter dignidade, a non ser usados e espremidos ate a última gota.
Non queremos vivir para traballar, mellor dito malvivir para traballar, sin dereitos, con medo e reprimidos por leis como la lei mordaza.
Nin tanquetas, nin tanques, nin metralletas poden frear a xusta reivindicación da clase traballadora cando é consciente da súa forza e tamén das súas cadeas.
Sonche orgullosa clase traballadora e síntome parte dos máis, dos maioritarios en tódolos los sentidos. O poder teme que todas e todos tomemos conciencia.
Forza para os traballadores do metal en Cádiz, a clase obreira gaditana en loita pola súa u dignidade, polos seus sus dereitos e polo seu futuro.
Só o pobo defende ao pobo.
[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.
Enviado por:
André Abeledo Fernández
-andre1474@gmail.com-
24 de novembro de 2021 21:38
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon