martes, setembro 13, 2022

Alerta Amianto: A Pandemia Silenciosa - Mesa redonda en Ferrol, o mércores 14 de setembro ás 7 da tarde, no Centro Cultural Carvalho Calero do Inferniño

 


Alerta Amianto: A Pandemia Silenciosa -  Mesa redonda en Ferrol, o mércores 14 de setembro ás 7 da tarde, no Centro Cultural Carvalho Calero do Inferniño

Nos vindeiros días -20 de setembro- terá lugar o xuízo no que se resolverá a reclamación de Rafael Pillado contra Navantia pola enfermidade derivada da súa exposición durante décadas ao amianto. Pillado é un máis dos milleiros de persoas que, na nosa contorna, están afectadas polo uso indiscriminado deste axente letal que reclama a intervención decidida das autoridades no apoio ás vítimas e ás súas familias, reparacións, solucións para o presente e prevención con vistas ao futuro, tendo en conta a súa dimensión social.

Neste contexto a Asociación Galega de Vítimas do Amianto, AGAVIDA, organiza en colaboración coas Asociacións Culturais Memoria Histórica Democrática e Fuco Buxán, unha mesa redonda informativa que baixo o título ALERTA AMIANTO - A PANDEMIA SILENCIOSA tratará as claves deste debate, imprescindible e inaprazable, e na que intervirán dende perspectivas diversas Antón Losada (profesor da USC e analista político), Carlos Piñeiro (médico social e experto en afeccións provocadas pola exposición ao asbesto), Rafael Pillado (Vicepresidente de AGAVIDA) e tamén os Sindicatos que aceptaron a invitación: CIG, CGT e USTG.

Esta actividade súmase á conmemoración do Cincuentenario do 1OM do 72 xa que a seguridade no traballo era unha reivindicación clara naquel intre e moitas das persoas destacadas naqueles feitos perderon a vida a resultas da súa exposición a este material. Nestes actos que estamos a desenrolar ao longo do ano queremos que todas e todos teñamos protagonismo e polo tanto agardamos contar coa vosa participación. Un cordial saúdo.

E-mail:
10m72.50aniversario@gmail.com

Visita a nosa páxina:
Dez De Marzo Cincuenta Aniversario, no facebook.

Enviado por:
Memoria Histórica Democrática
-memoriahistoricademocratica@gmail.com-
12 de setembro de 2022 18:08

_______


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon